Camp名最後都係用返評審作的!
第3次會議內，由於宣傳在即，報名表是最急切的議題。
評審一開拖就大改，又話目標同Camp名唔一致!
上次冇來開會，會議記錄又唔睇。
睇完又唔上心，仲講目標，上次咩已經落實了囉!
仲要話不措冒著修改Camp名的險也要再傾好理念。
p.s. 個Camp名係評審自己作的!
終於明白佢性格，鐘意改野!
明白佢性格後，自己給自己既心理準備也充足D。
有一次馬騮想弄熄蚊香既火，而明白一些道理。
近期家中有蚊侵襲，於是點起蚊香來。
是典形綠色蛇餅果種。
但係整熄蚊香既方法，不是吹熄、也不是用水淋熄，而係用剪刀剪下來。
因為吹除了只會將D灰吹到成地都係之餘，仲只會令個火燒得更加猛。
用水淋熄則會下次點唔著。
所以最好既方法都係用剪刀剪下來。
有一次，馬騮問我：「點樣整熄個蚊香?」
我：「攞剪刀剪咪得囉!」
馬騮唔信，又搞左好耐…
最後都係用剪刀剪熄左。
件事好似好簡單，但郤提醒了我一個道理。
人必須要親眼睇過，親聽聽過，親手摸過，親身經歷過，自己消化了，才會相信。
因此，當別人懷疑你既意見時，要看為只不過係別人投入既方式之一。
人地只不過係考慮緊你之前已經考慮過既意見。
好多時候，佢改完既野，係同你原先所諗既野差無幾。
在此也讓我習慣和懂得接受別人作出的批評。
其實我都明白，換了是我叫人做野，我也會作出修改。
只不過是修改別人的表達方式不會傷害到創作者。
比如，樂人的approach 會smooth好多，有一次我在圍圈開組時失足向後跌，多檻介，
但樂人一句就讓我開壞了，佢話： 你跳緊咩舞呀?
有這種能力既人，仲有貴人。
貴人可以一出口，就讓人信服，一針見血，清楚易明，有authority。
所以我好明白，只是大家站既崗位，望既方向不同。
我最多面對從上而來的壓力，但佢地則要向家長交待。
今年難在夾在中間，對上對下。但也比以往易搞好多了。
首先不用煩與營舍聯絡，只需要設計程序。
而且，在多年服待以來，這團隊經已累積了一定的合作默契。
大家好似也預了要做什麼，了解自己的崗位，不用再開山劈石，
不是由零變壹。
不用搵Camp衫，製作報名表的也預了製作營刊等。
所以，只不過係鞏固，及舖排好個程序，讓隊員清楚方向，了解其角色與負任。
今年敬愛既導師顧問也幫手設計了大部份既程序，整個大方向以經定下來，只剩下fine tune細節。
要學既就係適應崗位上既轉變，由司琴轉做帶領的。
和站出來宣報講話，建立團隊精神。
話雖如此，有時評審也會同我意見一致的。
比如，家長入營後，是應該有一段同孩子相聚的時間。
才分開大人上家長工作坊，孩子去歷奇。
貴人也同意我既概念。
即使上次有開會的兩位籌委極力不讚同，我都照去。
是一次Leader要有自己想法，再堅持而行，成功既例子!
因為我都覺得顧問沒有預這段親子的時間，總是有點奇怪。
比如，家長入營，孩子就通山跑自由活動，點捉呀?
點同D家長交代呀?點睇都唔對路。
不過，上次顧問當前，不好意思當面修改佢的構思。
又天光了，被馬騮罵我要關燈，我才知道現在已經是天光了!
明明我都有叫自己去關，可是一打起blog來，便不能停下...這些日子來，真的太多感受了。
馬騮： 仲咩唔訓呀?
我 ： 我打blog嘛!
馬騮 ： 你連續幾日唔訓，我驚你身體辛苦呀!
我 ： 我打blog心靈健康嘛!
馬騮面上報以憂心的表情，再走回去睡!
沒有留言:
張貼留言