玩具旅行社

睇到一項創意十足嘅事業，即管嘗試翻釋。而最吸引我嘅地方，唔單止係其創意，仲要係因為同布拉格有關。

「與其讓心愛公仔卡在枕頭或被單，在辦公室層架上封塵，甚至被鎖在膠箱內，失去一睹世外風光歡樂？為何不為朋友仔準備旅行袋，到歐洲中心地域-布拉格留下倩影。

詳情請瀏覽以下網址
http://www.sendyourdarling.com/toytraveling/index.php?matrix=home

智識就是力量

平時返工，俾充滿建築智慧嘅上司欺壓得多，比數係十居其九慘敗，最多贏果次係上司自己搞錯。今日竟然俾我大返上司慳爺~~

話說山頂管理處要維修LCD mon同 TV box一個

Gadmei Video to VGA TV Box 1no.

我竟然能夠用返平日上司教我嘅口吻，解釋返TV box係點用點駁。

「e.g. 牌子係佳的美，TV Box 係由電腦主機經過TV Box 落LCD Mon....用VGA頭線，可以駁天線，係LCD Mon度睇電視，或者3色線度播video」

教返上司，感覺好爽~~

同一刻，我收租同事要落樓下抄電錶，由於電錶位置唔就手，收租同事話要用電筒，抄極都抄唔到。我諗起平日馬騮會用相機抄煤氣錶，於是叫收租同事帶定部相機。結果大派用場，一拍就抄到。

估唔到平日生活小智慧，要用時竟然會有咁大用途，突然覺得自己身價提升。果然，智識就是力量。

福狗劇

福記寫狗劇，內容係教細路點樣理財。劇本寫好，剩返個劇名未諗，以下係一堆諗過嘅狗劇名~~

千金難買心頭狗
千足純金狗狗狗
狗金山
狗狗回頭金不換
金蘭狗狗
半路殺出隻狗咬金

因為劇情講到零零狗看門保護主人，成功趕走歲月神偷，最後決定左用：

狗狗看門金不換

初四啟巿

放完幾日假，今朝硬著頭皮起身。因為，有利是逗。

返到公司，頭一個鐘頭，同事之間利是來利是往，
伙記又休息，無咩好做。只係通過幾個電話，出左封信去屋宇署。
公司有度好，老闆多，利是亦相對多。
更何況我係工程部，收判頭利是一定唔少得。
係祝賀說話與搜羅利是嘅氣氛之下，過左上半晝。

午餐，我公司每年開工都會去茶樓飲茶。
分左3枱，結果我地果枱係叫得最多，又食唔哂。多出老闆果枱成$500....老闆同我地講「真係五體投地啦！」。

不過都幾灰，同班串仔同事一枱，無咩好傾，又無得瞓，灰仔~~

下晝打blog，仲有蛋鐽食~~咁就一日

農曆新年期間，連續放左幾日假期，較鬧鐘時，竟然唔記得左要幾點起身！

紙牌大富翁xQuarto

赤口，教會姊妹家人返大陸，我地組總動員拜年。

本來帶左兩副戰棋上去，都無攞出嚟玩。因為，有一副未玩過既紙牌大富翁，極之吸引。

紙牌大富翁

遊戲反映玩實，除睇到人性既一面，亦呈現出貧者越貧，富者越富既經濟學。

最意想不到係，我呢位點睇都唔似有錢既人，竟然有幸贏出，戰績總共係三條完整街道，橫街窄行五至六條，兩間房子, 散字數十萬。

熱鬧過後，剩低寂靜。在朋友散去腳步，說再會的眼神之下，流露著落寞，眼見一幕幕隱藏既戀愛故事，畫上句號。

回程小巴途中，無什麼對話，反而同自己講左好多說話。好似日劇「求婚大作戰」男主角，懊悔著自己既愚笨。腦海內響起主題曲，送友人一程。

Quarto

之後，任意地上左音姐姐屋企拜年，都幾驚阻住人休息。學左一副棋叫Quarto。之前已見過，但玩落才知趣味，無諗過由自己揀棋行，同揀棋俾對手行，策略與思路竟然會有咁大分別。前者係為自己製造機會，後者係唔製造機會俾對手。