高橋名人之冒險島

估唔到兒時在觀龍樓同學仔家中玩過1次既紅白game, 今日竟然可以重溫這滋味。
講起冒險島，都有不少朋友玩過，或者有印象。

記得當年，玩到第1關，拿了滑板冇耐，主角高橋未救到公主，就跳崖自盡。
眼見同學仔玩到第3關，拿了道具-火，可噴火。跳下跳下，會出現蛋，蛋中又有牛奶，滑板，佢媽咪仲在則煲煙。

兒時，總覺得煲煙的人就是壞人，不過，有遊戲機打就什麼都不理會了。
甚至，玩到過時，累父母也參與冒險島一返...搵仔
今日那小學3年班既同學仔，已失去聯絡，我仲記得佢既姓氐，當佢在班房答問題寫黑板時，會呈現背上的頭髮，男仔之家，髮尾是長長尖尖的。

冒險島1代，隻game冇得save, 要一口氣玩哂，玩到末段，打下又一關，打下又一關，都幾考耐力，同指力。一共有8關，終於爆機了!高橋終於唔使再擲斧頭往蝸牛烏鴉同蜘蛛，跳火把跨石頭，成功救出公主了!

研製「芝士焗薯仔皮」

薯仔批皮煮過萄汁薯仔燜雞翼後，薯仔皮可以點食?

今晚對住這場悶場既英超友賽，唔睇又對自己已交了既收費電視月費唔住，
只是坐係度睇，有d手痕，於是發起研製「芝士焗薯仔皮」既念頭。

這種整法，是源自以往在英國留學， TGI Friday或Spaghetti House 會有一味Potato Skin，非常之野味, 閒時在half term也會自己整下野食。

無奈家中又無焗櫨，好在仲有部飛碟機。

洗淨薯仔皮，加入芝士及蒜鹽等調味。

再加牛油，焗10分鐘就有得食!

好味既，除了是薯仔皮既味道，更品嘗到滿足及享受自己研製既過程!

馬騮B-day

馬騮, 生日快樂!
謝謝你同我渡過婚後第1個生日，也聆聽了我既內心既說話。

Wall-E

Pixar 在這幾年間已經改寫了電影動畫界，從2D引進3D, Toy-Story起初既嘩然，至2D動畫漸漸地被淘汰，近年已少見了如美女與野獸，阿拉丁等2D既製作。

Pixar始終是製作短片出生，最令人期待既，就係佢既片頭動畫。背從那crew 龐大既research team之力量，也是不容忽視。D畫面逼真度令人驚嚇...上次料理鼠王D廚房已經畫得好真，今次Wall-E，單是睇D垃圾，靚到....垃圾都可以咁靚....遠勝同行3D動畫，再不是冰河世紀....般的歷險...咁空白...Wall-E畫面之細緻，不能相信是畫出來的，而且造出一D只有動畫才能達到既觀感與內容，同一個故事，放上真人實境去拍，也未必能夠做出Wall-E動畫既效果。

今次Wall-E既大膽在於不靠生物....由機械人，無表情，單靠動作，和眼睛既轉動，就能感動人。而且，套戲既Concept也是賣點之一。從來科幻片的段落都是千篇一律，但這套除了令人順服之外，每個劇情既舖排，畫面細節也是驚喜萬分。故事講述人類遷移地球後的700年，地球已經係再冇人類生存。而主角Wall-E(Waste Allocation Load Lifter Earth-Class)，指令是去清理地球上既垃圾，每次將垃圾收集，壓為一小立方，並分配恰當至大垃圾場。但700年後，Wall-E建立了性格，與感情。這個時候，出現了另一部機械人Eve(Extra-terrestrail Vegetation Evaluator)。

套戲想講既係，其實機械人Wall-E內心既寂寞。眼前一亮地出現了Eve這部機械人，Eve是夏娃既英文，是代表女性。Wall-E內心充滿好奇，想同Eve跳舞，拖手。

套戲分三幕，其中最吸引的一幕是第二幕，講Wall-E與Eve上了太空，互相尋找對方。一部識得飛，另一部單靠滅火筒無重力地直線飄浮，一同去到一個新天地。

有好幾個Concept忘記了，其中記得的包括，人類懶惰到各樣生活既模式，如起身要靠機械人扶，機械人服待到足，不懂得自己主動去拿，拍下手就有飲品奉上。眼前只有電腦畫面，不會發覺原來身邊有泳池，懶成咁，是實現早先(即我地)最想做的事。人類上了太空後700年，重新認識地球上的各種文化，一草一木，從頭學起，及對知識如跳舞....產新興趣。

尾段解答了Eve之所以停頓"保安啟動"的關子，Eve未救返Wall-E時，再次落入寂寞荒涼，這寂寞，除了與Wall-E之前未認識Eve時的寂寞一樣，也是即使身邊有眾多同伴，沒有了Wall-E的寂寞。從Eve眼中睇返Wall-E呵護的一段，幫佢遮雷避雨，Eve當時維修好Wall-E後，尚欠太陽能儲電，不是帶佢飛出外哂太陽，而是即時運用激光槍向上打開一個大孔，反映Eve既焦急，也很感人。

睇完....同friend邊打波，邊哎 WallEEEEEve....哎了成晚!!

書展-兒童天地

雖然我冇去到書展度迫，但從收音機聽到一則有關書展既趣聞。
兒童天地內，一對DJ訪問一位男孩，男孩答啱了題目後，得到禮品:買書卷Coupon
DJ在送過禮品後，就問男孩...

DJ女: 恭喜哂，這張買書卷Coupon係屬於你架啦!
DJ男: 你打算用這張Coupon買什麼書?
男孩: 我想買星球大戰!
DJ女: 你屋企人呢?係邊個帶你來書展架?
男孩: 我媽咪
DJ男: 你媽咪呢?
男孩: 行開左
(這個時候媽咪行緊返來)
男孩: 媽咪返緊來啦!
DJ男: 驚唔驚媽咪攞左張Coupon買補充習作呀?
男孩不言，但經DJ女形容下，男孩已經是好驚，及喪點頭....
隔一陣，媽咪接走男孩....
DJ男: 今日兒童問答這個環節有新既改寫....
DJ女: (尷尬地)從此兒童天地充滿"補充"

The Dark Knight

小丑 Health Ledger 所展示既，係即使有多文明，也可在一息間摧毀。比如戲內他完全挫辱了雙面人，改寫了他的人生。甚至演繹出當時既猶豫、爭扎，逼蝙蝠俠由巿民眼中，在需要時就是英雄，過氣後就退為於黑暗中被追捕既對象，取得最終既勝利。

相比起林夕筆下青春是為了衰老、擁有是為了失去、悲傷無用，但沒有經歷過解拆過，又如何了解快樂?....更高一層。

但畢竟是一些睇法，或許是吸引觀眾既技倆，其中也可能包含了某些啓發人思考既鎖匙，領略與否，就事乎觀眾各自既體會了。

戲內我欣賞既，係導演將香港夜空拍攝得好荷里活。那幾個從中環大廈頂部俯瞰，蝙蝠俠黑夜飛蕩既廣角鏡，拍得賞心悅目。平時睇西片與港產片，總認為西片拍得逼真震撼，是因為製作及成本有別，取境既地方不同，外國環境緊係靚過香港，因此有別。

睇完這幾個pan搖攝既效果後，前者既原因:製作成本仍然成立，聽某名香港導演趁蝙蝠俠在中環電梯取境時，睇倒荷里活區區拍數分鐘鏡頭，只是度光量位，已經超過3小時；相比起香港拍攝10日既爛片，成本的確能合理地解釋為何彼此之間有咁大既分野。

話雖如此，難道荷里活不懂得拍攝10日起貨的片嗎?但後者既解釋，就真實地將導演既功力相比下去。不斷以為外國取境既山水當然靚過香港既街道，是西片成功原素之一。但當荷里活導演拍攝香港既擺花街又好，夜境又好，都能掌握得咁靚後，點解西片咁好睇，無庸置疑。

不過，套戲既成功，除了在於香港夜空取境一流，科技刺激，貨櫃車爆破的震撼以外，戲內故事內容既鋪排，英雄內心既黑暗，雙面人在名譽與無奈既處境後，仍然選擇已銀幣決定生命、囚犯將炸彈搖控往海裡拋既良心，庸人欲炸對面船郤受良心責備而手軟，每人都有背面，也有另一面，黑暗後才有光明，秩序前必先有亂序方有秩序，但黑暗要靠光明才有黑暗，小丑也要靠蝙蝠俠才活得完全，將人內心既躊躇，望而卻步，表露無遣。

本來停在上一段，感覺都幾形，但影評一輪後，與我何干，所以我都係想講多句，貫徹我創作既舖排，將美麗既破壞，將有形既爛尾，將琴曲最後的chord後踩上腳踏既吱吱聲:

好似我間房....必先有混亂，才會有整齊。要整齊，唯有靠自己一雙手。我間房?我講緊人既內心，感覺與思緒。

Baileys Cheescake

加入2湯匙我割愛既Baileys,


就做成咁靚既 Baileys Cheescake

我有份整架.....(個U字)


配上野味既炸軟殼蟹
就係我享受既下午茶

12~14 Jul 08 福音樂園夏令營

家多D愛! 家多D Fun! 情感表達親子營

今天晚上既 Evaluation, 在一遍完滿既感覺，伴隨著Camp 歌 "家多D愛! 家多D Fun!"及"有祢已足夠" 下完滿結束。
當然，在Camp內各人所發揮既團隊精神，大家既熱心，在主內互為肢體，每一分力，每一分愛，流著每一顆暖流，也在Camp內充分地成就。而這精神，是會延續在每一個家庭，及在八月份既Camp回顧日內再次重溫。包括Drama, 遊戲， 及主題: 父母親與孩子背後都有主明白和了解，認識及學習表達情感既重要，家裡既愛。

今年是福音樂園第8年搞Camp, 也是第一年有家長參予既親子營，為歡迎家庭進入教會踏前了一大步。至於調較節目既內容，至適合親子一同參予，相信尚有很多改善既地方，及發展與進步既空間。

Camp過後，整晚在"發Camp瘟"，在電腦既 MS Outlook會提醒我既行程，今日竟然彈出視窗"13-Jul Camp第二日，14-Jul Camp第三日" 勁唔捨得按下Cancel, 感覺像唔想完結所有有關Camp既一切。執拾Camp folder時, 重溫了由第一次開會，Camp Logo, 報名表，宣傳稿，至分組分房，每一頁也記載著回億與感覺。

作為一個Camp director, 如果沒有前輩既耐性，好多時候想提醒我而忍口接納; 如果沒有年輕一班既活力，也斷不能成就Camp既化學力量。實在好輕鬆，最煩惱既如與營舍聯絡，及收Camp費兩項也有前輩幫手搞掂。除了第2日比較多D通知及安排人手以外，其餘時間，也是順利地按著所計劃既進行。這團隊各按其成，大家也有各人既得著，好多幫手也不用邀請，自動波，好清楚自己既崗位。比如，拍擋了幾年既powerpoint畫家，logo設計師，音響人，每位組長，帶戶外歷奇遊戲/室內遊戲既主持，帶結營禮既馬騮，訂營衫、西爪既貴人，與營舍聯絡既傳道人，收Camp費、安排交通既車長，及帶領家長工作坊，Camp節目設計既顧問等等。在此謝謝大家對Camp既貢獻。

也有一分好莫明既感覺，當大家主動向我傳達資訊，如會否早走，報名情況，powerpoint幾時deadline等，特別是與營舍book了那間房，搞掂Camp fee, 幾多私家車會駛入，我心諗，其實都唔使同我講丫，你地咪仲清楚，feel到被尊重。

Camp也run得好順利，完全跟足所預備既進行，有偏差既比如第1晚既電影房間，由兩組合為一齊睇，第2日下午既歷奇地方，由草地轉為有蓋地方，反而讓流程及效果更加Smooth。
兒童既人數也是如報名的一樣來足，家長方面，有些之前取消的也有來參加，在第2日親子遊戲內，看到他們相認反自已既子女，好像失而復得般。有些認唔倒自己個女既手掌，事後立即仔細睇清楚，牢牢記實，實在好sweet，好溫馨。

Camp歌既魔力，也是不容忽視，在晚會內，慢歌完全被貴人帶起了整晚氣氛既轉接位，帶大家跨前一步，即使首歌初初印象是一般，點知，慢慢地種入了各人既心裡，成功型造了慢慢地繞入，一層一層地滲入晚會內的每一位。快歌是活潑刺激，三分鐘熱度，受兒童歡迎，慢歌則與家長產生了共鳴。各種原素既需求，也在兩首歌內成功達到。

感謝神，祝福了節目既流暢度，即使天陰下雨，也沒有影響戶外歷奇既進行，找到一處有蓋頂既地方，又有水源來玩"流水柱"。下雨也讓大家冇咁辛苦，相反更加涼快。尤其是在第三日，一戶外敬拜完，小孩走後就下大雨，一上車又下大雨，時間巧合到難以置信，神祝福既奇妙，由保守節目整個計劃，至每一段時間也是明明可見的。

最後，仲被馬騮起左個"躲"。如果你問我下一年仲想唔想搞多次Camp...我會答你...到"訂"...夠"皮"...咪搞!

與小孩一年一度既錄音

與小孩一年一度既錄音，錄夏令營營歌

今年寫了超過20首歌，篩剩4首給貴人揀，但偏偏揀了首冇咁好聽既歌。
揀好後，整音樂，繼層layer將樂器一件一件加入。
編了1次,覺得唔好聽，
再編,都係ma ma day

唔好聽既歌編幾多次都係唔好聽

喜料,今日在純音樂上加入了兒童既聲音，感覺立即立體及好聽左。
同一件事,由小孩造起上來，總是會動聽些。

錄完後,我同馬騮也忍不住要自己錄咪一份。

今日有一位小男孩，同一位女孩錄音。
總共要錄1首快歌、1首慢歌及1段rap。
佢地既水準好高，新歌一比佢地，唱幾次就學識。

女的平時見佢怕怕醜醜，點知玩熟D才發現佢原來係好跳跳躍躍。
唱快歌既時候，身子會隨節奏un下un下，好投入，也好果隱!
唱出來把聲與外表完全般若兩人，聽落比外表活躍與堅定好多。唱慢歌就好sweet。

男的音樂sense好高，拍子感也很強，
錄音期間，其中一個歌詞我們不肯定是"看"顧還是"照"顧，
打電問過填詞貴人後，是"看"顧。

男的居然事後同我講 : 個"照"字好似啱音D喎!

不過我也教佢，要尊重填詞人架嘛!

錄前熱身遊戲 : 同小孩玩熟既方法

點玩? 咪就係佢地跑，我用相機捉囉!幾好架，又唔使自己跑!

向左走 向右走

當然，對小孩錄音與同大人錄音既分別係，佢地身邊會多左個家長。
家長無咩好做，心諗有人幫我"臭"住對仔女，幾好。
也可能係，唔....應該直情係，佢地剛學完鋼琴班,剛好有1個鐘free,可以來錄音。
但也害他們遲了上下一堂既小提琴班，要15min內飛的去過海。

有未刪剪既聲音花絮為證，按以下連結聽uncut版下!

係咪想聽下足版?! 按以下連結，待勞苦功高既弟兄整完powerpoint後，遲D會放上youtube。

不過，小孩錄音，就要有心理準備。例如 : 佢地會唱左"每日每時"為"每時每日"就小不免。
走音、食拍就不計其數，也要硬接受，最多事後edit，

有相為證...edit到是晚凌晨5:15，都幾艱鉅同考耐性，但始終是最enjoy及有動力的一樣興。

相of Cubase SX : 聲音是可以睇倒，也可以切開!

分為藍色、粉紅色及橙色，就係佢地既聲，睇倒既聲。藍色係男，粉紅係女，橙色係合唱副歌。
係咩好可愛呢!(係架!D wave對於我來講真係又愛又恨架!)(恨 : 當隻滑鼠唔聽使既時候!)

該晚凌晨5:15才剪好第一首!

看! 一首約3分鐘既歌有幾多條track!

總結而言，整個錄音經驗是好玩、也特別。
尤其係佢地同大人一樣，怕聽返自己唱既野，
也令我有成功感，同achievement。
同小孩錄音,係好難能可貴架!

還有，兒童既聲加入音樂的一刻，是感動!

謝謝斌繼做我伴郎後，又再成為我既智囊，每次我要處理一大倫野，或一個大project既時候，佢會好helpful，及提醒我同時做10幾樣既時候，既先後次序。

原來facebook既profile status真係有人睇!

今日有兩個人靠睇我profile而知道我造緊D咩，錄音

寫"明日同兒童將會有一年一次既錄音，錄營歌"

每次錄音，我也會保持一權既專業，就係即使聽了過百次後，

仍然會用大耳筒聽多最後一次

因為用耳筒可以聽倒用喇叭聽不出既detail和聲音既位置。

sound:大人試咪係"testing 1.2.3.4.."

小孩試咪是大喊!

執人聲前


執人聲後

由我自己一手一腳搞既夏令營進入倒數階段

仲有7日,如營歌歌詞:心實在期待

摘蕉傳統

分享一節在教計敬拜內引用既比諭:

一個猴子實驗如下：

把五隻猴子關在一個籠子裡，籠子上頭有一串香蕉，實驗人員裝了一個自動裝置，若是偵測到有猴子要去拿香蕉，馬上就會有水噴向籠子，這五隻猴子馬上會被淋濕。

首先有隻猴子想去拿香蕉，馬上水噴出來，每隻猴子都淋濕了，每隻猴子都去嘗試了發現都是如此，於是，猴子們達到一個共識：不要去拿香蕉，因為有水會噴出來。

後來實驗人員把其中的一隻猴子換掉，換一隻新猴子（稱為A猴子好了）。關到籠子裡，這隻A猴子看到香蕉，馬上想要去拿，

結果被其他四隻舊猴子海K了一頓，因為其他四隻猴子認為新猴子會害他們被水淋到，所以制止這新猴子去拿香蕉，這新猴子嘗試了幾次，被打的滿頭包，還是沒有拿到香蕉，當然這五隻猴子就沒有被水噴到。

後來實驗人員再把一隻舊猴子換掉，換另外一隻新猴子（稱為B猴子好了）。關到籠子裡，這隻B猴子看到香蕉，當然也是馬上要去拿，結果也是被其他四隻猴子K了一頓，那隻A猴子打的特別用力（這叫老兵欺負新兵，呵呵！），

B猴子試了幾次總是被打的很慘，只好作罷。

後來慢慢的一隻一隻的，所有的舊猴子都換成新猴子了，大家都不敢去動那香蕉，但是他們都不知道為什麼，只知道去動香蕉會被人扁。

故事講到呢度，
這就是「傳統」的由來，傳統係包括分裂及打鬥，
希望我地唔會做去打其他既猴子，或是做d唔知點解就俾其他打既猴子啦!
所以教計第一晚晚上有時間去聽下西福既歷史，
比如 要知定位、明反應:唔好掂D蕉、重傳統:D蕉真係唔掂得架!
認識一下我地西福既由來，係好值得去聽。

活石靈宮

估下我地在辦什麼?



今日帶了一節深刻既敬拜，很緊張，也很享受被主使用，與弟兄姊妹分享既經驗。
現以此石為記，這石頭外表啞色，但隱藏了閃爍既內在，耐不耐就閃下。能經得起流水沖洗，也能堆切至很高，分分鐘，它能活得長命過我，但當中所代表及記下的，包括與馬騮一起在公園拾石的記億，是永不能磨滅，也記載著今日被神有過的感動。是主內既房角石，活石靈宮。