創作既心路歷程

為左一年一度既兒童夏令營，整年所創作既歌曲都係圍繞著適合兒童唱的思路而寫。

今年大概作了20首吧!

來到Camp前的3個月，就是回顧整年既作品及挑選的時候。

終於揀出兩首歌，其中一首歌也填了4分3的歌詞。

時間分配方面，今年比以往精明多了，懂得先交歌給評審，才派出大眾，

免得派完出街後，俾人係咁改。

派歌後，離截止報名尚有3個星期的空檔，就利用這段空檔制作Music Video。

我總覺得時間是安排得不錯…可是總有意外。

今晚是開Camp會的第三晚，開完會後，大家都諗往散會走。

豈料，評審特如其來叫我派歌給大家聽，

在完全冇心理準備之下，就彈起自己的作品。

評審其間出了去，都冇認真聽，

彈完，讚完的說話也聽過，大家也是時候散。

後來評審返來了，點知，評審仲叫我繼續彈…一D舊歌懷緬下。

我一邊彈，(一邊諗：仲彈?開完會後，大家都累了，是時候返家休息了吧?仲彈?)

直至…一聲門鐘響起，才明白

原來評審搞了個Surprise Party俾其中一位組員，專登叫佢返來。

(我心諗： 評審搞surprise party本是好，但你可以先同我講底嘛…)

結果…我待了一年的創作….變成了"揳"時間。唉~~

生日歌也唱完…蛋糕也食完。

好在，尚有會欣賞的人，食完蛋糕後仲叫我彈埋果首被我刪除了的作品(已填4分3詞果首)，

仲叫我俾佢填詞。

我是感激，但始終過不了自己的一關…刪除得的，我一定覺得唔掂，以免重蹈覆轍。

之後的3日，不停在修飾首歌，但始終用不著…

唯有作過另一首俾佢，但每年也總有不能言喻的限制。

Camp就快到，時間唔夠，要作一首動人的慢歌，

創作不是迫出來的，應該係有感而發，

好好記下，再將珍藏的在適當的時機拿出來用，

往年慢歌出來的印象不是太感人。

於是用了另一角度創作，同自己講，既然是要作兒歌，就不要諗佢是否可以適合大人用

要天真就更天真，要跳躍就更跳躍。

果然，出來的2首作品，第一首感覺是"納喊"，第二首感覺是"輕鬆"，比較易入口。

但聽的人卻希望有返D動人既慢歌。

上年有慢歌時總覺得不夠動人，

今年冇慢歌，又要求加返…

咁如果作出來之後，有3首歌，一個Camp有3首新歌，實在太多了…

到時又要刪除….痛如親手殺死自己個仔。

開會後，當晚的記憶是最新鮮，打完份會議記錄。

我很清楚，我必需搞清所有的思緒，才可好好進睡。

於是一口氣打完份會議記錄，修飾完又再修飾，時間已是早上九時。

之前3日，在編曲時，為了引發出沉意識，，我刻意由得自己肚餓，又唔夠訓，靈魂在書房中飄盪，

已經沒有好好入睡。

再作埋份宣傳佈偶劇本，(唔夠訓，自己都覺得麻麻地)。

收到了logo，再發出給評審做報名表，

已經是中午12時，

終於張所有會議記錄，logo，報名表，劇本發了出去…

都仲未有得訓，傳來評審的電話，

說報名表內截止報名的日期2008年6月15日太趕，要留遲一個星期，我手頭上拿著往年的報名表…日期是一樣2007年6月10日。

為何往年也一樣Camp前一個月前截止報名，今年如是者，又有什麼問題呢?

仲要我一早就寫了那日子給評審，只是評審自己沒看清楚，

點知，電話內的comment是唔上心…唉

我問自己，為了什麼?

當年搞少青Camp的時候，我是會忘我的。

我知道，今年我入Camp時是我又會再一次投入至忘我，不計較辛酸，氣來就消，努力鼓勵隊員，提過仕氣及團隊精神。

特別今年是講感受，我都想表達自己的感受，是對自己坦白。

好在仲有個blog吐下苦水，讓自己面對自己的感受，心靈健康，才有力去服待更多。