雙兒

一直想於家中添置花卉、或盆栽等裝飾。早前馬騮參加左一個口號創作比賽，又咁好彩，竟然入圍。主題係環保，佢作既標語如下：

新年到，祝君好!
送禮物，講心意，
包裝紙，無意思。
大家一齊環保啲，
棄用膠袋包裝紙，
牛年包你稱心如意！

想不到，換來環境保育半天遊。

地點係大埔元洲仔自然環境保護研究中心，平時踏單車由吐露港往大埔方向，入大埔前必停下休息，厠所附近，一顆大榕樹旁。1985年鍾逸傑爵士住左十年多，1986年政府把元洲仔列為法定古蹟。園內長有超過140種埴物，蕨類至喬木、紅樹林等茂密生長。
除左元洲仔，還有米埔及海下灣等辦事處。不過，平時不會對外開放，必須以團體或學校形式報名方可遊覽。

http://www.wwf.org.hk/chi/aboutus/

保育中心範圍雖少，內有直昇機停機坪，早上有小白露停下歇息。
其中一種較深刻既種子有水筆仔，外形十足一支筆，潮漲時由於筆尖較重，會牢牢插在沙堆中生長。體會到大自然奇妙，神創意深不可測。同時，認識到人沒有好好看管地球，眼見紅樹林枯技頭上佈滿垃圾膠袋，人類為生存影響到自己居住既地方。

可惜當日相機壞左，影出來既相好花，好artistic，影唔到靚相。

水筆仔

樹幹被細菌侵蝕，自我修服後，會產生O形既嘴，
行內統稱「章魚嘴」。

最大得着，係每位參加者可以自己種一盆栽，拿返屋企治養，品種叫「家樂花」。

馬騮將佢這盤起名為「小花」-台劇不良笑花內楊丞琳飾蔣小花。

我既好「雙兒」，溫柔既雙兒-鹿鼎記雙兒。收花時煲緊鹿鼎記，勁喜愛雙兒，金庸筆下最喜愛既角色。

雙兒跟隨韋小寶時既對話。
雙兒道：“夫人待我恩重如山，相公對我莊家又有大恩， 夫人叫我服侍相公，我一定盡力服侍公子，公子待我好，是我命好，待我不好，是我……是 我命苦罷啦。”

我望有妹妹，朋友望有女，未有之前，種住盆花止癢先。