公園即興禱告

今晚煮雞啄豆腐，燒熱油鑊，落左幾片蒜頭，正想落豬肉炒之際，電話響起。

聽筒邊傳來弟兄聲音，邀請我落西環公園，與某弟兄一同禱告。
此弟兄無返教會好一段時間，對上既消息也是從馬騮巴士上撞見而來，

真係巧合，若我落豬肉，就唔落公園啦，但時間就係咁準~~
於是，到公園見弟兄們，連埋我共3人。
才知道原來佢地做左樣即興既行動，聯絡我同時，電話已邀請所有住西環弟兄，碰巧其他人一係不在家，一係返工，一係在對面海。只有我落左水。

雖然只是簡單分享禱告，時間還不過15分鐘，但眼見弟兄，總會想起已往少青團既感覺，及自己已往年青時對團契既投入，與火熱。相信，這段簡短但珍貴時刻，對弟兄也帶來一定既鼓勵及回響。