倒數一刻

往年倒數節目....

07 與團友行山，山上倒數。(過左12:00都唔知.....)
08 教會扮天綫...(因為部電視收得唔清楚...而我在外國留學時學會一秘技...用鎖匙當天綫..
但係...絛鎖匙始終要有人拿住...果個...咪係我囉!!)

09 今年終於有電視睇啦!!...在朋友家中打火鍋、分享感恩...倒數..本來節目滿不錯~~
點知...最後要聽人分享詩歌既時候，我係完全入唔倒耳~~...
都唔緊要...到開電視...無記播埋D特首祝酒...「朋友」流行曲...悶到爆！！...
如果睇到時代廣場蘋果倒數...氣氛相信會更好~~

之後，我地延續聖誕旅行精神，以畫鬼腳形式，輸左那兩位要天寒地凍落街買糖水~~
好在..我無輸...碗黑白(芝麻糊豆腐花)都OK好味。
為左平衡我地殘忍既心理..我地排練福仔樂園「歡迎歌」，歌舞作樂，安慰那兩位輸家。
事後那位輸家告之，我地歌舞歡迎那刻，
她：勁感動...
他：唔好以為跳完舞唔使俾糖水錢...

09年第一單殘酷遊戲~~是也！！

聖誕之旅

Facebook status：「神就是光，別有天地，擴闊視野，暢自心靈。」

旅行第一晚，我地開吹水大會。美其名為吹水，實則聲討。
當晚，約翰一書一：5~8 神擊中我~~

5 　神就是光、在他毫無黑暗．這是我們從主所聽見、又報給你們的信息。
6 我們若說是與　神相交、卻仍在黑暗裏行、就是說謊話、不行真理了．
7 我們若在光明中行、如同　神在光明中、就彼此相交、他兒子耶穌的血也洗淨我們一切的罪。
8 我們若說自己無罪、便是自欺、真理不在我們心裏了。

之前聽過音姐姐分享，原來人係會局部關閉自己既Sense...簡單D講，0岩聽就聽，0岩睇就睇，
但對於一些自己覺得唔0岩聽既，就拒於門外,選擇性接收，選擇性記億。
而音姐姐其中一絶強項，就係透過meditation打開己block既sense。

透過神就是光，不認就是自欺~~
打開承認自己，及原諒別人既鎖匙，艱難地踏出第一步。
感恩大家分享，彼此覺得不舒服既感覺，出發點都係面對自己，而不是論斷別人。

同樣，今次旅行，大開眼界，見到好多風光如畫既景物，
視野擴闊後，心窗亦隨着景色開懷。
但總覺得，即使人所製造，總不及神所創造，那般自然，那般親切。
不論如何，最值得高興，此情此景，可與愛人及良朋共享。

期待聖誕之旅

(向天高呼~~)
「雲海谷~~

瑞士阿爾卑斯山~~

我來啦!!!」

鍾聲響起

鍾聲響起

又接一單聖誕 Job，
懂音樂真係會接很多稀奇古怪，大大細細既差事。
通常都係家長們想我幫助其子女音樂上既指導，或錄音等。

黃昏接到來電，想我今晚內send份五綫譜俾佢，
剛巧教會內又沒有譜，
我本着有教無類既宗旨，只要求，就肯幫助既精神，
45min內製成鍾聲響起五綫譜一份。

相信，當中過程：該母親在無計可施，時間緊逼，
為子女出面致電，明日彈奏使用罷。
天下父母心，我豈可推卻。

貴人倉造冬

Pictionary Time!! One of my favorite party game!!


執相前

執相後

原來Photoshop執相都唔係咁難。

估唔到貴人在分享感恩08時會講金融海嘯對她既影響，
其實對着我地這班後生，佢無必要提及這些事，
但分享背後，我聽到一種態度，
證明貴人是交出真心來與我們相交。

況且，即使貴人在海嘯中跌傷，仍依舊招持我們一組到她家裡BBQ，
那份坦誠，及大方得體既態度是藉得學習。

每次來到分享，總傷腦根，要交代什麼呢？
尤其是對着前輩，總有述職既感覺。
我亦不能像貴人般可在組內坦誠交心，
能交心的，人數少些會較容易。

但透過今次感恩08分享，我們組既bonding，
及我對組內既投入感亦漸漸增加。

長江後浪"擒"前浪

無錯，同上次係同一張相，今晚無影新相。

今晚第二次與Sonlife練習平安夜Medley。
練習滿順利。之後，一班年青人即興地鬥琴。
無錯，係鬥琴，即係好似"不能說的秘密"內周董與同學鬥琴。
譬如，鬥快唔在講，一人輪流開出一首歌彈，睇下對方識唔識。
還有，Chopin Valse, Op.64, No.2.，及周董那首"我個名叫麥兜兜"，佢地一人左手，一人右手分開彈。
Sonlife 成班鋼琴手，其中一位鋼琴及小提琴也是一流。

貴人同我在Sonlife發揮音樂才華時，呆站好耐。見無位好企，開始吹水：
我 ：佢地個個既措藝都高過我，又使咩我指導丫，何來說服力？看來我要轉行唱歌啦！
貴人：仲咩踩埋我個行呀！
我 ：你咪老吹(老崔)啦！

走時，教會樓下，Sonlife離開後，我同貴人相視而笑。
貴人：仲咩我地相視而笑呀？
我 ：我地老啦！
貴人：你今晚好似受左好大刺激喎！
我 ：(嘆氣)唉~~~
貴人：你要栽培佢地靈命嘛！
我 ：看來，我要栽培自己先啦！

其實，都係至在講笑，心裡好楚，懂8級鋼琴又如何？彈奏詩歌更看重的，是事奉既態度與配合主席既耳朵，掌握及融入會眾既呼吸。不過，造就及連結青年人這長線功夫，我就怕怕了。

唔知當年音姐姐有咩感覺呢？

OceanPark

生日免費入場!!

荒失失奇兵2非洲歷險記，擲雪場印象較為深刻，冰上冒險奇緣既溜冰歌舞劇幾精彩。

Facebook Greeting

原來Facebook 會greet my birthday!!
真係唔想close。

可能係今年開始用facebook，收到大量生日祝賀，很高興。
Facebook Status：「謝謝各方好友既祝賀!祝大家聖誕快樂，主恩滿載!」

西福飯局

今晚開福音樂園program，好友上我家開飯。
煮4人飯份量也是第1次。
點知，煮得飯來，已經遲到~~

好在~~我家地利優點是，近教會。
我地又真係癲癲地，由講下講下，變成真係攞飯返教會食，
仲要當街當行攞住個飯煲行，
然後在教會客廳上夾菜，
經典的一夜。

不過，食飽飯唔代表開program會開得快。

是晚，同朋友計劃聖誕旅行行程。
但不能忍着心中的一團火，
傾行程前，開左個聲討晚會。
彼此將內心不舒服既感覺，痛痛快快地吐出口，好爽快。
與其話自責基督徒不應帶着仇恨，
倒不如，公開面對這份感覺，至少坦白，至少一齊分享，
向神認罪前，向神呼求，真真實實地面對自己，總好過強裝無事，扮天使。

禱告後，我地將聖誕旅行落實一個大綱，第二日多左個雲海谷景點，達成共識。
相信，今晚痛快，
除了與好友第1次煮4人飯返教會食，痛快分享內心感受，
還有，將這個本來沒盼望既旅程，變得充滿期待。

溝通解決8乘問題，這話真不錯。

迪迪尼雪亮聖誕

3:00pm先入DisneyLand.......破哂紀錄...
玩左3樣機動遊戲，已經天黑~~

家姐既BB女沙律妹，一入場就被狗狗吸引住。

小時候我亦有幾張初初學行既相，行一步，跌兩步。


正所謂外甥多似舅，我這位舅父，同姨甥女有幾分相似架!

機場Terminal 2-翔天廊好味既-日式燒餅

小小世界好精緻呀!!

最有滿足感係親手畫左幅Donald Duck。

Sonlife管絃樂團Crossover

今晚同Sonlife一班青年人，練習平安夜Medley。
樂器包括：小提琴，中提琴，saxophone，flute，電結他，琴，鼓。

本來要將一堆管絃樂，混入流行樂隊元素，已經有一定困難。
況且，第一次夾，磨合適應等在所不免。

豈料，這次Crossover效果不錯，
更難得係，他們肯放下自己，謙讓Solo音演繹。
整首長達8分鐘既Medley，不會平鋪直敘，
有平安夜的寧靜，亦有齊來崇拜的起伏。
彼此勇於表達意見，亦能即時按意見作出更改。
達成共識後，繼而BandLeader指揮。
對於自己來講，最需要克服係如何招集大家，引導合一，一步一步解決細節，及互相調和。
除了頭腦上音樂編曲，手中演奏各種樂器以外，
與其只跟足我的指示，鼓勵他們自己主動研究。
由禱告招集開始，禱告感恩結束。
提醒他們以歸榮耀給主為首才是最重要。
記着第一次擦出火花的珍貴，為將來奠定基礎。

初嘗帶領青年人，除指導音樂以外，建立生命更巨挑戰與價值。
編曲中包括溫柔與激烈既起伏，
更深一層，除聽到溫柔的小提琴，缺乏自信的中提琴，
措藝高但在磨合配搭隊友既saxophone，肯放下自己的電結他等...

今天晚上，這班青年人懷着火熱的胸襟，享受合作既快樂，為青年音樂隊寫下美好的一頁。
而我，回想着FM第一晚合作既時光，及重踏音姐姐走過的路。

Facebook Status：

Facebook Status：
與屋企人走進迪迪尼雪亮聖誕週末

SpaceMoutainX迪迪尼雪亮聖誕

星期六家庭活動：整日迪迪尼+酒店自助晚餐。
團友包括馬騮、爸爸媽媽、家姐、她朋友，及兩個BB女，
一同迎接今年聖誕主題：飄雪。
以往玩迪迪尼，仿如食自助餐咁，定必食到盡，玩到盡。
今次，同BB一齊玩，最多咩同卡通人物影下相，可能去唔到咁盡啦!

回想當年，一家大細，爸爸媽媽家姐與我，一行四人暢遊歐洲。
單身既家姐，如今已為沙侓B既媽媽。
原來一家人，已經有成10多年未一齊去過旅行。

要數最恐佈過山車，非法國迪迪尼SpaceMountain莫屬。
即使事隔10多年前，依舊歷歷在目，其震憾力遠超香港百倍。
還記得，排隊期間，爆破聲不段響起，
單是那重低音，足以嚇到BB痛哭，唔敢再來樂園玩。

一般過山車，車卡是慢慢昇高，靠第一次從高跌下的Potential Energy，維持全程速度。
但法國SpaceMountain不是慢慢昇高車卡，而是像火箭爆發般進入。
況且，衝入太空前，不只一發，合共兩發。
起初我奇怪，為何是兩發呢?

直至我坐上車卡，親身感受，才明白過來。
第一發：車卡應聲高速急停在炮管半空。
巨響過後，有一瞬間耳鳴，聽不到任何聲音。
那空洞，時間停頓之際，為未知的太空之旅帶來期待，郤顫慄。
未適應這狀態過來，驚魂未定，緊隨第二發。
第二發：藍天消失，眼前漆黑一片，仿如置身太空一樣。
水星、火星等，除壯觀以外，星體急墮，險些額頂擦過。

由於太空內實在漆黑一片，頓時失去重力，已分不清楚自轉或公轉過多少回。
中段，失去意識...
下車過後，最難忘是爸爸自豪地道：副眼鏡曾脫掉，好在及時一手捉住，
否則，下個景點會係眼鏡店佩新鏡框。

香港那部SpaceMountain，算罷啦！


上一站：昂平(18-11-2008)
下一站： 迪迪尼雪亮聖誕(13-12-2008)



未到下一站之前，舒緩下期待既心情。
今晚： 屋企遠眺迪迪尼煙花海景。

排除恐懼

圖解卡內基人際溝通一書，以下節錄書中部份理論：

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
擁有成功人際關係的條件，其中一項是排除恐懼和焦慮的能力。
1)恐懼是可以解除的嗎?
2)問問自己到底在害怕什麼?
3)恐懼的對象是否合理?
這個敵人值得你害怕嗎?譬如你恐懼某人，因為他看來很凶，但這是事實嗎?或者只是你個人以為而已。要實際去求證。

融合另一書心理治療的理論內，理性情緒治療法(Rational-emotive Therapy)：

例如一位在大學唸書的男學生，在失戀後變得消沉抑鬱，固然，失戀本身帶給他許多的傷痛，但更主要的是，女朋友離開了他，轉而和另一位同學交往，在他看來，自己是被完全否定了，於是覺得自己一無是處，認定自己是一個失敗者，以致情緒十分不穩定。

又例如有一位女孩子，無論樣貌和性格都相當可愛，在一次喉疾後聲音變得沙啞，於是馬上性格上有很大的轉變，變得很畏縮，很自卑，甚至孤立自己。

在艾氏看來，聲音的轉變這事實並不直接導致了這女孩的情緒反應，而是她自己所作的解釋和不合理的信念害苦了自己。因為她堅持女性的聲音一定要嬌柔清脆，才算女性化。由於艾氏認為人只是自尋煩惱和自討苦吃，故此，唯一的解決方法，亦繫於人自己本身；於是他強烈聲稱任何人遇到情緒問題時，他自己該負絶大部分的責任，因為說實在話，困難是他自己"製造"出來的。

個案：被朋友嘲笑，被老師指責，不會直接產生抑鬱消沉、焦慮、失望受傷害。而是因他相信"每個人都應該愛我，並且同意我所做的一切，否則我就受不了。"因而產生焦慮。

還有很多金句，不能一一盡錄：
勇氣是衡量偉大心靈的尺度，想盡辦法去擴展它吧！
沒有人可從爭執中獲勝，你輸了是輸了，即使你贏也等於輸了。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

的確，當我今早坐在沙發上，靜靜地抽取自己以往恐懼的經驗，才發覺很多隱而未現的恐懼感。其浮出的意念，詫異其數量之多。而這障礙，是活生生地影響著我社交。當識別過後，方能慢慢來，逐一擊破。

今早我打通了任督二脈，為我受浸紀念日帶來安靜，反省，及更清淅既視野，亦想同大家分享。
13-Dec-93 信主受浸15年

返回平靜，重新得力

敬愛的導師顧問將要遠行印度，我還可向誰請教?

今日聽到苦難，
尊重亦很愛惜...
關心亦很擔心....
我很想做一位好既聆聽者，
但係唔識得表達既我，
唔識得承托人既生命，
於是.....

今日我沿山路，向前徒步，
路過舊校園，
看見班房內喧嘩的學生，
老師則埋頭，在教導與控制班房秩序中周旋，
我諗：教學助理這條路一點也不容易行，
我連剛剛過去星期日教4個細路唱歌都仲未掂，點行?
即使平時遠眺學府，其典雅與書卷味迷死人，
當稍為走近，假想那是下半身既路，
那浮起既恐佈感令我止腳，急急下山，
但是，為生計，我必須面對。

最後，三聯書局內，
站在同一位置成兩個鐘頭，
眼睛不停地緊貼書本，
前人累積既經驗實在廣闊，
我亦被此深感震憾，
芧塞頓開，煩腦應聲被敲碎，
暗笑自己以往兜圈的觀念。
知識真是吸引，
即使我腳痺肚餓眼瞓，
雙目仍然未離開過書本每隻字。
比如，聖人也有錯，會懂得體諒前輩。
家中男女既關係變成是"家長-孩童"，而不是"成人-成人"的平等地位，出現矛盾，阻礙彼此成長等等....

1)「為什麼沒人教過我?」：拉我返正軌，一針見血。
2)「心理治療」：天書一本，睇完滿腦知識。
3)「圖解卡內基人際溝通」：由於睇完上一本2)只有頭腦上的知識，知易行難，
4)「圖解完全感壓手冊」：睇前2，3期間，腦根一定會好累，唯有靠這本書休息。

休息過後就可睇1)返回正軌，
4部書緊緊相連，缺一不可。
因此，我在書局站足2個鐘頭。
於是.....

近期當猶疑買那樣東西時，就會在貨架前石化。
當粗略了解其4部武林秘笈的優點與缺點後，

我竟然懂得運用返自己以往所學習的方法幫助自己。
行出書局後，
同自己個肚講：一陣會食D野，逗下自己，
同自己個喉頭講：一陣會飲下水。
回家後，
在房中大喊：真係委屈了自己。
再要求自己逐步講出：自己想要既角色定位。
食下飽，飲下水，打下blog，再瞓下覺，

盼望能更加成熟，
享盡自己步回神之前既任性。

閃電俠第二回-愛行動

今日最高興的一幕，流程順利，成功分身旁白與配樂。正式上演與起初編劇時所預計的，出入不大。小朋友踴躍一齊跳閃電舞，外援救生隊長有新鮮感，與台下交流；麻煩兄妹也達到嚇小朋友既效果；如果有埋超人背景音樂，就更perfect。

妹妹第一次幫手，很高興聽到她分享：望見眼前小朋友，仿如重返自己以往長大的環境，當年自己也是如此受教，感到很感動。相信，有份帶她返福音樂園，最有滿足感的，莫過於此。
令我回想起，早兩日在blog分享The greatest love of all 內既歌詞:
「Let the children's laughter remind us how we used to be」

可惜之前要同小朋友練習聖詩，否則，有更多時間傾計。
之後搬條條時，推撞下跌在地上，真係唔好意思......
希望事奉唔會影響學業，佢想學音響，有機會再分享其心得。
其間，妹妹上前同我講，彈到咁minor既?!....
可能心情太高興或太緊張，今日連配樂亦彈到不知所謂~~~~~L

事後在檢討會內，大家也有同樣的看法。
早在創作閃電俠這角色，已覺得寫劇本應該注入角色描寫既元素，
即塑做一個特別，吸引，有性格既角色，遠勝於平時姨媽姑爹，學校等近似還境，
像針對小朋友而言，弄成反抗效果。
閃電俠一出場，大家已經記得，在小朋友心目中，像一位熟識的好朋友。
很高興大家見到劇後的成果，與我之前構思的相同。

小朋友學完「愛行動」這主題後，真係好熱心搬條條。
幫人綁蝴蝶結的一幕，很有意義。

閃電俠樂於助人既精神，會延續在這班小朋友，及有份演出既工作人員身上，
而創作既過程，由零至一的成功感與喜悅，亦藏於我心裡!!!!

今日節目豐富精采!!!

今日節目豐富精采!!!

1130 小朋友練習唱聖詩
傳道人搵我幫手，同小朋友練習唱聖詩。我本來只負責司琴，領導小朋友唱歌的部份由傳道人領唱。豈料，傳道人忙於處理教會事務，臨急搵我負責埋領唱，剩下我1對4。
開口唱兩次主音，喉頭已沙，班小朋友仲未肯唱。副堂人多吵耳，點練?小朋友家長又摧問幾時練完，可放小朋友食lunch，環境惡劣。
後來傳道人返來，轉回正堂，都搞唔掂，社社工在旁幫手，貴人獻計吸引小朋友，又逗又比賽鬥大聲，才勉強唱到一片。

1300福音樂園閃電俠
今日最高興的一幕，若放在這篇blog內，怕被其餘負能量感染，都係留返另一篇blog再分享。

1600又練聖詩~~~
傳道人話好快，每首歌彈一次就夠，點知~~~
事源已約好兩位去旅行既朋友在銅鑼灣，已坐下等著，好在馬騮能早些赴約，免得朋友呆等太耐。
點知~~由每首歌彈一次變成...幫手揀哂整過崇拜既詩歌~~~除了小朋友獻詩，還加插一班青年人獻詩~~~~剩係揀歌已揀左成個鐘.....
(無奈...我想參與一同揀旅行團既過程，唔係揀歌既流程)

1730高速奔往旅行社
好在，趕到最後決定旅行團的一幕，雖然酒店不是其預計般舒適，價錢不太昂貴，算啦!!旦求一班人玩歡樂谷時，痛痛快快。

1830呆站皇室堡
收音機賣廣告，皇室堡16樓 I.T.大減價，仲以為銅鑼灣乘著深水步黃金電腦一并減價，點知，被聲音廣告fake左，I.T.真係I.T.囉!!全部都係一車車凌亂不堪既恤衫，轉頭上了玩具反斗城，之前本想買部室內搖控直昇機，趁時間未夠，呆站等馬騮。

1900心AGathering
本來已不想赴約，太趕了，但應承左order pizza晚餐，就不能不赴約。
心情不好，又如何對住BB強顏歡笑?
點知，原來朋友幫我搞surprise 生日party......
但那壞透的心情，實難掩蓋....
那cheese cake...好大件...食到滯。
想飲杯柚汁，郤只飲得半杯。
到頭來，仲要被暗罵唔醒水~~~~唉!!
真係唔慣被慶祝生日....

2130家庭聚會
本來，唔趕去心A Gathering，就可以同家人相聚，玩下家姐既BB沙侓妹....
結果，去唔倒.....

2200返屋企
太累了，電視播著既獎門人節目...已呼呼大醒


為何一日內所有識得的朋友、家庭、事奉，全集於一身????好心大家夾好，打散來約我啦!!!

遺憾

想要，得不到。
不想要，偏偏湧來。
得到，又如何。

充滿選擇，亦充滿代價。
往往草率決定，默默承受後果。
對與錯以外，是那位我?

倘若，重返正軌，決定亦不偏不倚，
會否滿足，會否快樂?
可惜，那陌生郤快樂的我，相信，很遙遠。

現穚裝大方得體，太多交待，不衷於自己。
給自己心靈海嘯，偶而病下，至少，每步踏實。

口袋-溫嵐

星光大道2班，第三回PK賽，Kitty林宜融參賽歌曲 : 口袋
溫嵐歌詞描寫畫面，用字簡單，清詞麗句，措詞甜亦酸。

台灣太多好歌，旋律與歌詞值得表揚，
但MV就垃圾~~與歌詞所表達既畫面完全不乎。
好似睇小說，留下思考的空間，扣人心弦。
所以只敢upload星空大道比賽版本，
溫嵐MV版，留返閣下自己在youtube睇。
請大家將歌詞與MV既畫面分別品嘗。

口袋
作詞：溫嵐　作曲：衛斯理　編曲：吳慶隆

記憶會說話 思念在發芽
微風催促一地落葉歸去啊
貝殼戀著家 魚兒游水啊
剩我這念舊的巨蟹踩著沙

熟悉的對白 陌生人說了出來
感覺開始回來 開始又回來

這些日子以來 偶爾會想起你的愛
面對這回憶 依然還是溫暖
記得你愛把我的手 放進你的口袋
掌心裡的溫度還存在 在指尖徘徊

這些日子以來 偶爾會想起你的愛
面對這回憶 依然還是溫暖
我會慢慢學著勇敢 慢慢學著取暖
如果覺得冷 放自己口袋

你的溫暖我會藏起來

記憶會說話 思念在發芽
微風催促一地落葉歸去啊
貝殼戀著家 魚兒游水啊
剩我一個人 踩著沙

煎咸牛肉薯餅

新試菜：煎咸牛肉薯餅

咸牛肉+洋蔥+薯仔
+熱油鑊+反鑊(成功第一次嗯!!)

= 好好味，唔使去牡丹樓也可以嘆到早餐
可惜，薯仔同洋蔥既香味唔可以擺上blog
大家用對眼食住先啦!!

秘訣：薯仔切絲會容易D熟，及連成一塊薯餅形狀
相反，切粒煎時容易散開，要落多些生粉，差成糊狀方可。

賣相及味道與牡丹樓有得比