詩琴哲學

詩歌，經文，

當詩琴唔用鋼琴去表達，

而係站在你面前講出，

一篇集多年詩琴的感想。

作曲家的音符，

填詞人的詩詞，

兩者擦出火花，

教人心動，共鳴。

神話 : 不是要你什麼材幹，

而係在乎你抱著什麼態度去敬拜。

作曲人話 : 歌曲的曲風就好似文章的體材，

有輕鬆、憂怨、沉實、抱負、

仲有著躣、忿怒、詫異、隱秘。

填詞人話 : 熟識詞語所表達的意思就仿如了解每一個琴鍵既音質，

有抑、揚、頓、挫，

仲有甜、狠、柔、清。

練琴同練書法同樣要花心機時間，

才能寫出一手好字，彈出一首好詩。

修飾詞語就好似左手彈既裝飾音，

而騰文就仿如第二段彈高八度。

消化完的文字再用自己既方式去表達，融會貫通，

聽完首歌，再按感覺彈返出來，自成一格。

聽多一首歌，睇多一篇散文，

古典，巨著同樣廣博。

每一個調子都有屬於佢既性格。

舉個例，E Major係咁多個Key中最Bright的，

而C Major就比較活潑天真，

唔好以為只係Major就開揚，Minor就哀愁，

B Minor就帶點中國色彩，

Eb Major都可以好有魁力，

A Major就最富氣勢、壯煌。

任你措藝有幾精湛，可以一秒彈出好多音符。

任你措詞有幾凌厲，出口成文。

如果你捉不緊彈奏的輕重，起成轉合，

就只會化為噪音，或者係聽唔入耳既理論。

真正難彈既歌，絕對唔係粗之大葉，

而係即使輕力地彈，仍然能夠轉到大廳中最後一行的耳邊，

同時坐最前排的唔會感到刺耳。

呢D咩叫做功力囉!

你或者會唔同意我既講法，平時聽歌既人都係咁講架啦!

讀一篇稿都要抑揚頓挫。

我試過睇一篇分享睇到我係追住下一隻字既來臨，

一直目不轉睛，要追到最尾，至覺得完滿。

等我話你知，一首好歌最獨特既哲學啦!

這是我集多年既觀察而有所體會，

你要靠聽下一個音符去滿足你對前一個音符的追求。

情況咩同我頭先講要追住下一隻字的來臨一樣囉!

其實你剛剛又被牽引了，個答案咪就係我問問題之前果句囉!

仲係唔明，比諭為追電視劇集時，趕住睇下一集的心情，咁樣講你明白吧!

當中牽動既情緒仲有好多，邊彈，邊伴，邊作，邊享，數之不盡。

最精采的位係咩位?要聽得最傳神，咩就係張琴凳囉!

練歌時孤形圍著鋼琴時，就最共鳴。

仿忽在耳邊唱歌，最貴既音響都係按住張皇帝位而調整架啦!

帶查經既就係最得著，及最先得著的一位。

得到既，唔單止係因為組員，或讀者各自袋左不同既野返屋企，

也唔止於旋律所帶給會眾的震盪，

火花亦係擦出的一下最光芒閃礫，

主音之所以好聽，係因為有伴奏，襯托得天衣無縫。

一個好既伴奏，係可以讓人感覺和諧，穩定，

同時又唔可以太搶眼，免得目光唔係注視係神身上。

紅館功力好既歌手，往往唔係當晚站在台中間的。

而我留意既，總係幕後伴唱同伴奏。

如果歌手咬字咬得清的話，我都會留意埋歌詞。

所以近期紅館咪搞左個音樂會，請來全部都係伴唱，唔出名，唱聲樂的唱家班，

我倒有興趣聽。

要彈，仲要彈到唔覺你彈緊，真係好考功夫。

要落力，落力地謙卑，

始終能力越大，責任越大。

講到最後，仲有一樣野想講。

我敬拜最深刻既時候，就係在司琴既崗位。

我真係能夠抱著鋼琴敬拜神，

曾經考完試炒左後猛力"焚"琴，

也曾經在練琴房內彈到瞓著。

但每次彈完最後一支曲時，要沈澱那團燒得紅紅的火，

起身後要由敬拜的環境做回普通人，真係來得太快，消化唔切，有點抽離。

內熱後要外冷，真係好難。

好在，都有出路，

抱著能夠成為司琴的身份，

被神使用，如當年祭司一樣。

榮幸有機會去帶領會眾進到神面前而榮幸，

神也同樣想我地榮耀神的名字，

一直持續地造到這四個字，

榮神益人。