樂隊：Fate
隨想
10 年前
2010-12-09
老點老外~~
今晚趕往夾Band途中，有個外國板仔問路。
外國板仔：「卑路乍街36號在那兒？」
我：(手指往上環方向一指)那邊~~
外國板仔一句thnx後踏板走...
我繼續行，覺得唔妥，才發覺原來老點左個板仔反方向~~
最可僯係當我行到卑路乍街36號，見另外兩個外國板仔站在街頭，相信係在等那位被我老點既朋友，內疚，內疚~~
2010-11-24
2010-11-20
2010-11-06
2010-09-26
2010-09-16
2010-09-11
和空姐同居的日子 第二季
第一季 
第二季
電影版幾年前睇過<和空姐同居的日子>這套網上大熱小說，想不到原來09年已出版續集<和空姐同居的日子 第二季>，一開始煲雙眼就被吸住，讀左二十章，陸飛與冉靜的對話，相處等實在太吸引，輕鬆幽默~~據知電影版亦出左，搵到的話一定會煲~~
2010-09-10
2010-08-19
Inception<續>
Totem
5層
睇完套戲整整一星期後，網上言論一大堆。
這個網址解說得比較詳盡：
http://wegotthiscovered.com/2010/07/20/dream-a-little-bigger-a-guide-to-understanding-inception/
有人認為是夢，有人認為是現實，
更有人認為一切是Cobb的father-in-law Miles為救回Cobb的內疚，而請Ariadne在Cobb夢中植入過正常生活，見孩童的意念。
個人本來認為，當圖騰將近停之時，亦即是夢境將要醒之時~~
(即是：機場那幕是夢，見子女正面亦是夢，圖騰快停，快要到夢醒那刻)
締合眾多意見過後，個人認為，這個比較可信，對最後一幕有這見解：
片尾字幕首歌播完後，的而且確聽到有圖騰停下的聲音，代表圖騰最後還是停下，返回現實。
2010-08-17
反省
貪新的我 近期買下的介指當吊飾帶亦不忘十架愛
人總愛新，好難再乖乖仔地，常常熱愛靈修讀經分享禱告。
但睇過一篇文章後，再次解開一層對自己封閉的框框。
原來神不是要我乖乖仔地，做足聽神話的我。
以為乖乖地靈修讀經分享禱告，神就愛我。
神是愛我的全部，愛渴幕神時的我，亦愛迷途的我。
這樣才接受到自己的愚昧，總因內疚而更不敢仰望神的愚昧~~
感謝神，尚有敬拜的火在內心，無時無刻可透過敬拜與神連繫。
2010-08-06
2010-08-05
潛意識
自從中學時代，睇過一輯由BBC拍關於Mind perception專訪後，對潛意識抱濃厚好奇及興趣，可惜沒有足夠機會接觸。
可惜段片太舊，youtube搵過亦都無，否則post上來會更易明白。
那套BBC講有條類似臨床心理學家，專門控制人類意識及知覺等等。
可惜段片太舊，youtube搵過亦都無，否則post上來會更易明白。
那套BBC講有條類似臨床心理學家，專門控制人類意識及知覺等等。
case 1) 叫阿嬸企係房一角落，讀一大篇文章，然後叫阿嬸向前行。
當時潛意識專家背著睇唔到阿嬸，舉起手，阿嬸一直行。
直到大約9至10步，專家拳頭一握，好似知道阿嬸會停下，而阿嬸又真係在握拳一刻停下。
莫非，專家能控制阿嬸知覺。
case2)
再來，今次唔單止係屋內，仲要唔係由專家握拳，
而係由專家示意阿嬸向街外其中一名途人喊：「停！」
屋離地6層樓，那途人真係停下來。
事後訪問那途人，那途人話當時行行下，突然醒起，好似忘記左一些事要做，就停下來。
好像，在人不自覺之下，被投射一種命令。
再來，今次唔單止係屋內，仲要唔係由專家握拳，
而係由專家示意阿嬸向街外其中一名途人喊：「停！」
屋離地6層樓，那途人真係停下來。
事後訪問那途人，那途人話當時行行下，突然醒起，好似忘記左一些事要做，就停下來。
好像，在人不自覺之下，被投射一種命令。
case3)
專家寄一張咭給一位阿叔，叫阿叔將那張咭放枱頭一星期。
那張咭是普通白底，用黑筆畫上一堆線。
沒講為可，及那咭有何用途。'
一星期前收到的咭紙：畫著一堆不明線條。
一星期過後，那位阿叔去超級巿場，
不自覺地，在超級巿場內逐行行，
超級巿場平面圖
最奇怪係，阿叔在超巿內行的路線，
剛巧就是那咭紙上畫的線。
那不是普通線，而是路線圖。
超級巿場路線圖竟然與咭紙線條相同
阿叔不自覺地，跟著望足一星期的咭上的路線行超巿。
問題係，一星期前，專家同阿叔兩人，都唔知會行那間超級巿場，卻竟然跟足咭紙路線而行。
這便是潛意識。
在人睡夢中意識最弱的階段，亦是摧眠師能把握的意識。
2010-08-02
YUI-Namidairo
我部手機今期播放率最高no.1 推介
YUI-Namidairo淚色
(中譯歌詞)
在回家路上察覺到了 其實自己還是很討厭這樣吧
抬頭望向房間的燈光 現在的自己懷著一個怎樣的心情
如果演變成吵架的話就馬上用微弱的聲音道歉吧 你是一個狡猾的人
Namidairo 身處在不能聽見聲音的晚上
雖然可能會令你覺得困擾 但我也想繼續任性下去
雖然已經對你說過「沒問題」了
但這樣下去也應該沒有可能吧…
水面上映照著的是感到悲傷的臉容 雖然已經看慣了
已經打算不說「沒可能」的了 因為自己明白 才會覺得痛苦
溫柔的對待令我想哭 果然你還是一個狡猾的人
Namidairo 身處在不能聽見聲音的晚上
雖然可能會令你覺得困擾 但我也想繼續任性下去
雖然已經對你說過「沒問題」了
但這樣下去也應該沒有可能吧…
在你面前 我都在撒謊
其實自己一直希望被你察覺到
我真的沒有可能那樣地堅強
明明決定過不會再讓眼淚流下來
但始終會覺得困擾吧 因為已經不能再任性下去了
儘管又想再問起「沒關係嗎？」之類的
但也應該沒有可能吧…
2010-08-01
2010-07-23
2010-07-22
2010-07-10
2010-07-08
精彩....一言難盡....
Yamaha Asian Beat初賽
參賽者過80隊Indi Band~~
一陣我會企係度施展渾身解數剩講今日，早上同馬騮搭同一班巴士返工，自搬寫字樓後，相信這機會不多。
適應着新眼鏡的角度。
上半晝監察判頭甩消防喉。
整個下午，忙過不停電話聯絡，與文件處理。
收工教學生彈琴，
協助學生開竅是滿足，見學生找到自己學習方式是驚喜。
話題除音樂理論外，還會關心學生會考過後的狀態，建立生命。
學生同我講，自從跟我學琴過後，感覺真正同實在。
其實，面前這後生仔，只是需要肯定與鼓勵。
正如愛恩斯坦所講：教學最關鍵是，教得正確，再不斷鍛練才成功。
因學錯方法，學壞姿勢，學錯思路，將要花更多時間去改正。
學琴過後，帶回新眼鏡(因之前還未適應)，蠟靚個頭，到Mega Box，與Band友參加 Yamaha Asian Beat 比賽。(同學生講：去Mega Box參加比賽時，覺得好型~~)
初賽分兩晚進行，一晚內聽到過二十隊香港本地indi band，質素有出入，但睇別人出show，及自己出show會學到平時練習吸取不到的經驗。
最精彩，莫過於由等待，到後台準備，至上台演出的過程。我隊band是今晚第32隊參賽隊伍，坐著聽到大會廣播，20...21..22.....29...30...31..心情由輕鬆，至不其然緊張起來。
享受著燈光，忘我，施展渾身解數，最佳狀態地演出過後，及一大堆拍子似齊唔齊，揀電子琴聲，適應現場音響等處理不切的問題....
回程返Band房，同Band友一路回味，檢討，抒發剛才激昂的情緒，到宵夜打冷降溫慶功，傾下個月方向。
沿途小巴上寫下靈感飄過的曲，詞及概念。
返到屋企，執定明晚夾band的歌，打blog沉澱抒發感受.....
邊打blog, 邊享受屋企大電視直播世界盃四強...德國大戰西班牙....
返工..放工..教琴..比賽..預備明日..世界盃...
今日...精彩...一言難盡....
努力挽回青春，以往不應扮成熟...十年前應該這樣過~~
2010-05-26
2010-05-25
2010-05-24
2010-05-21
2010-05-19
Fate Band Show
書院.jpg)
Fate Band Show 天咁黑，明晚學校show度暖場時可以彈「天黑黑」~~
地點：何文田陳瑞祺(喇沙)書院
日期：19 May 2010(星期四晚)
時間：7:00pm
2010-05-18
享受my band~~
攝於我間band房三星期前，開始夾Band。除左尋回對音樂的熱切與追求以外，更珍貴的，是多一班至同道合的朋友，十分享受，暢所欲言，又由於擁有一手彈琴/Keyboard技能，感到被欣賞與尊重。總想每次夾band時間快點到。
其中一樣我享受的，是我們在Facebook Inbox內有一個平台，令我們坦誠，講出很多見面時不易表達的說話。句句真誠，句句為我們隊band好。
來緊星期四在一間學校出show，本來講好有30min演出時間，豈料3日前才知匯我們，因臨時加插一隊校內管絃樂團，我們隊band只可以縮短至10min演出。
我們當然不高興，有隊友要請大假出，有隊友怕趕不及，有隊友希望攞返d車馬費當補償。
而我，就在這Facebook Inbox內這樣留言。
Ka Co:
「After release our anger, while we're on stage, we still have to be professional.
謝謝Angus致電提醒，我以前連閃燈Yamaha Keyboard都遇過，效果同樣感動，都無咩風浪未見過。
因 此，出發前，我們要夾好出邊3首歌，like Robin proposed.
choice 1) iv+毒佔+出口 或
choice 2)Revolution+毒佔+出口
這間不過是學校，安排上總會有不便或其限制。
我們出show，又不是為錢，更不是為老麥 -牡丹樓。
只要我們能奏出自家創作0既歌，沾點名氣，就當是我們在6月份通利Show 前的 On Stage Rehersal~~ 」
「最多完show後，再飲野怒罵學校發洩~~ 」
本來唔想去的隊友回應：
「笑晒...XDDD
最o岩聽都係 -> 再飲野怒罵學校發洩~~
go go go la...
痴o左線...唔記得入正題...
我揀 choice 2)Revolution+毒佔+出口 」
另一隊友回應：
「kaco: 閃燈Yamaha Keyboard???? XDXDXD」
基督徒是人，Band友也是人。估唔到，在以往教會或敬拜隊內，浸埋浸埋，學到當一個團隊遇到問題時該如何面對，抱什麼態度處理，該講什麼，才會有說服能力等等。
這個經歷很美好呀~~這滿足感不能言諭~~
話時話，果部唔係「閃燈Yamaha Keyboard」，而係更唔掂的「閃燈CasioKeyboard」
進深Jazz Chord
結果，上網搵到<椎名林檎精選輯鋼琴譜>，但無首想彈。
因最想彈果首「旬」才是 Jazz，但沒有收錄在該精選琴譜內~~
於是諗下諗下，搵左個 mp3轉midi 程式，諗住有midi可以睇譜，點知電腦都係decode唔到mp3落midi，譜係有譜，但譯到d音歪哂。
用mp3轉midi再用結他pro整的譜(都係唔0岩用)
自從捉摸到pop chord後，真係好耐無試過咁認真捉音寫譜，對上一次咁寫法，係十幾年前彈classical時對喜愛既歌才會咁做。
手版，分Vocal, Piano, Bass
最後，唯有用返最原始方法，靠耳仔逐粒音聽，經過這步驟，對Jazz Chord構造，又了解深左。
我成日諗，假如我死左之後，所有手寫過0既譜，在Mobile Excel內作過0既曲及詞，會否賣得出？定同我一樣入土為安?
因最想彈果首「旬」才是 Jazz，但沒有收錄在該精選琴譜內~~
於是諗下諗下，搵左個 mp3轉midi 程式，諗住有midi可以睇譜，點知電腦都係decode唔到mp3落midi，譜係有譜，但譯到d音歪哂。
用mp3轉midi再用結他pro整的譜(都係唔0岩用)自從捉摸到pop chord後，真係好耐無試過咁認真捉音寫譜，對上一次咁寫法，係十幾年前彈classical時對喜愛既歌才會咁做。
手版，分Vocal, Piano, Bass 最後，唯有用返最原始方法，靠耳仔逐粒音聽，經過這步驟，對Jazz Chord構造，又了解深左。
我成日諗，假如我死左之後，所有手寫過0既譜，在Mobile Excel內作過0既曲及詞，會否賣得出？定同我一樣入土為安?
2010-05-17
2010-05-16
沉醉爵士
椎名林檎精選輯鋼琴譜一向彈琴，已習慣靠耳仔捉音，唔靠睇譜。可惜這首「旬」內演譯的爵士鋼琴，實在太難捉摸。除了面音和低音外，其複習的和絃與裝飾音，實在需要花長時間執。加上本身對爵士和絃尚算初階，想透過一份譜加深認識更多不同的和絃，了解其結構，好讓自己彈即興時有更多變化。
豈料，椎名林檎竟然在2008年出版過一本十週年的鋼琴譜<椎名林檎精選輯鋼琴譜>，可是網上找不到其精選內收錄的曲目，不知道有無我想搵的「旬」？
通利牆身Poster於是整週末下午，在銅鑼灣通利，HMV等有機會賣琴譜的店舖來來回回。行到通利，被一堆堆爵士琴譜，日本流行曲譜包圍着，才發覺自己原來真係好少搵譜。
估唔到一向唔睇譜0既自己，竟然搵譜搵足整過下午。
再望望皇室堡對面的HMV，今日之前一直以為HMV在皇室堡內，點知搬左過對面IKEA樓上。
作為一個音樂人，聽CD也是另一樣自己好少做的事，證明以往十幾年，一直只自顧作曲，真的很少留意外界音樂。(連HMV搬左都唔知，由此可見)。
個人音樂演變：Classical->Pop->JazzHMV內Jazz Section架上放滿賣Jazz CD，不同類型的Jazz也放在這裡，亦加深了自己對Jazz種類的認識，包括Smooth Jazz、Mood、New Soul & Jazz Groove、Bossa Nova等等。環境很舒服，像置身在爵士樂海，播放的 Jazz很好聽，令人感覺輕鬆。
不過，即使搵埋三聯書局，甚至乎西寶城通利，亦都搵唔到這本精選琴集。
琴譜簡介印上十年出版過的CD封面最後晚上，返到屋企上網，再搜尋其琴譜的介紹，終於找到一個網頁有記載。仔細睇睇其詳細資料，原來這本十週年紀念鋼琴譜，收錄椎名林檎出道以來的精選曲目一共23曲。其中一副圖是以往十年所出版過的CD封面。竟然無一首有「旬」做封面。再者.....搜尋有關「旬」的介紹，原來「旬」是出度後第十一年的作品，咁....
「十週年紀念精選琴譜當然唔會有第十一年的作品啦！」
即係唔會有譜，從一開始搵譜就係錯~~~想彈0既話，都係要靠自己搵食的耳仔捉音。
不過，下午搵譜的經驗不是白費的，至少享受HMV內播放的爵士樂，及被通利琴譜包圍的感覺。
很欣賞自己在研究爵士樂當中付出的腳骨力，每聽到一個爵士和絃，就被牽動，再次燃起對音樂的火。
發覺整個人開始沉醉爵士~~
2010-05-14
Acid Jazz
「呯嘭！」一聲倒地，用左兩年多，每隔廿四小時就同我嘴唇親吻0既......鬚刨，終於報銷。清潔一地鬍鬚過後，凌晨1時35分，本應瞓覺，奈何洗衣機內尚有堆瞓覺前需晾乾0既衣物，即使紙箱堆內藏着一個靠着「希望工程」，仍未必搵到0既後備鬚刨，冒住明早無鬚剃0既危險，一切也好少理。
沉迷着Acid Jazz，東京事變-心 0既Jazz Chord，以前已經鍾意聽，明晚竟然要夾，一定要加速練成。
這份良久未試過追求音樂0既自己，既熟悉，又陌生。即使如何眼瞓，也一定要記低這份感覺。
2010-05-13
學生Q&A
今日學生問我：可唔可以唔學彈主音，只學彈裝修音。
於是我與學生分析左學主音同唔學主音的分別，好處與壞處。
我：「其實要修飾伴奏及裝飾音，同修飾主音的技巧係差唔多
分別在裝飾音要創作出來...主音就照跟
但主音彈得好聽的話，會表達到首歌感情~~
裝飾音就無主音表達感情得那麼直接~~」
學生：「但係我並唔想在有人唱的歌做主音」
我：「無錯，有人唱歌時，係彈伴奏，唔會撞音~~
但有時樂隊有段solo位想Keyboard落，都要彈~~
彈主音練到夾左右手, 彈裝修音都練到，但練得相對少左~~」
學生：「應該話,我唔鐘意彈主音
solo果d無問題
但係跟住個人唱果d音彈就....」
我：「好，只要你攞到定位就得~~」
感覺上覺得學生有少少走捷徑咁。同我當年一樣，會好貪心用最短時間學最多0既野。
之後學生問的仲頂癮。
學生：「我今次搵你,仲有一樣野的
下次你可唔可以彈首你彈開的歌我聽下?」
聽到學生咁問，不但無感覺被質疑之餘，仲默默笑着，回想當年自己當學生時一樣經歷過。
我：「好呀，無問題~~」
學生：「雖然咁講好失禮,但係我都想睇下你係幾咁利害的ma~~」
我：「哈，都唔只你一個，其他學生都問過同樣問題，
記得當年我學琴時，都會想聽下我老師的琴藝。
所以，無問題，完全明白~~」
面對着學生不同的問題，要答得有智慧，感覺新鮮與挑戰。
看着學生成長，步步踏上正軌，感覺有滿足感。
回想當年自己如是，回味。
當導師0既滋味，真過癮。
2010-05-12
教授電子琴
Band房電子琴今日收左個學電子琴0既學生，由於學生係從頭學起，可以幫青年人打好基礎，打通一0的心理關口，免得學壞姿勢要改時就困難。感覺好有成功感，好滿足。
從頭學起，要學0既範圍認真多。包括：Scale、Chord、Progression、Relative Chord、分左右手彈、節拍、裝飾音、氣氛。甚至係音響、執歌、耳朵訓練、揀樂器聲，認識不同音樂種類，實際band房內要同其他樂手夾0既部份等等，音樂領域真係好無限。
本來教一個鐘既堂，講講下，竟然不知不覺，教左個半鐘，好在只計我一個鐘頭琴房租。
雖然，賺到0既學費，扣除交通，炸多春魚、燒墨魚丸、珍珠奶茶，已經無左一筆。
但分享到音樂，係無價~~
訂閱：
文章 (Atom)
