苦口良藥

想寫野，迷網，點寫?

雖知道困在憂鬱裏係唔健康，卻乏力踏出安全區。
強行理智，遮蓋悲傷，靠反射神經支配自己，感覺就可以牢牢封鎖。
生活迫人向前行，工作仍必需繼續。

最穩陣嘅地方，可能係乘搭巴士，望住窗外驟雨。
無人識我，無人理我，含束放下，感覺坦白。
腦海浮現幕幕記憶，椎心畫面，鼻頭一酸，
估唔到，迷戀悲傷。

諗起兒時，返鄉下放煙花，當時要靠一支支香來點着藥引。
燒煙花過後，唔知道支香放邊，隨手放係雪櫃。
換來燒熔雪櫃膠邊，最弊燒熔嘅雪櫃，係公公新買。
於是，滕條燘豬肉，打我果個，唔係公公，而係媽媽。
嘩嘩大哭，哭聲大到隔左兩間屋嘅柒叔柒嬸都聽到，跑過來湊熱鬧。
公公旁邊喊「打得好！」
媽媽事後捽藥酒時同我講：「唔係公公面前打我，點同公公交待呀！」
現在諗返起，都幾好笑。
估唔到兒時嘅傻，成為今日酸溜溜嘅靈藥。
苦口良藥，至少連繫住我同公公。