返工期間，路經上環卑利街，石板樓梯邊見一古玩商舖。
內有海軍陸戰棋、排九、麻雀等。
其中最吸引我視線既，係一副水晶中國象棋。
每個捉棋既人，總想擁有一副精美既象棋，
令我諗起兒時同公公捉棋既時光。
兒時探訪公公，總愛與他下棋，一捉就停唔到，要捉夠整個下午才擺手。
這份情誼會藏在心底，或許公公唔會知，
公公係棋王，從來只有佢贏，我輸。但直至我贏過一次之後，媽媽就話公公老，開始無精神捉，那是我最後一次同公公捉棋。
除左捉棋，記得有一次公公白內障，我畫左張咭俾公公，但公公當時睇唔到，我就讀俾佢聽。當時我仲讀緊小學，張咭係我親手畫，封面以紅色同藍色畫出十字架形狀裝飾。
還有BB時公公抱起我影合照，我一手抓住公公既鬍鬚，一齊笑~~
仲有教會音響房對出最右下角既一張凳，公公總愛坐這張。
教我捉象棋既公公，在我心目中永遠係棋王既公公，天家再見~~
沒有留言:
張貼留言