電子琴腳架

屋企電子琴既腳架，自從搬進新屋以後，呢副腳架要承托既，再唔係電子琴，而係由自家研製，DIY搭成既電腦枱。除左電腦枱、枱上Keyboard、Mouse Pad、同杯墊以外，呢年幾以來，腳架中間既交叉位，亦成為我放腳既地方。

可惜，呢副腳架始終係用鐵造，放對腳上去，難免感到疼痛，頂住頂住。
今日，忽然靈機一觸，放左個軟墊上去，雙腳一搭，舒服到即時呼聲四起。

滿足研究New Postion 成功之餘，慨嘆點解我隔左成年幾，雙腳痛左咁耐，到現在才諗到呢個辨法。

研究到令自己舒服既位置，雖然看似微少，但已值得高興一整個晚上，自得其樂既事情。

閒時，呢個軟墊還可以幫腳指止癢。