兒時舊照

我既潮爸....Facebook內upload左我兒時既相片

幾招積

收到Fans留言

今日收到Fans留言：
好多謝你既分享呀!
我覺得你啲歌聽落好舒服, 詞得意又感動!^^

好開心呀~~
記得有套日劇，神呀！給我多一點時間。金城斌飾演音樂人，深田恭子飾演Fans。
當時，深田恭子同金城斌講：聽到你既歌，感覺好幸福。
今日，終於能夠體會這份感覺啦！很滿足！

創作態度

轉述3月30日聲音專欄，創作副總李偉文既分享~~

1) 大量吸收
豐富library, 否則用來用去只有一兩套

2) 獨立思考
選擇自己既風格

3) 實踐

不要閉門自關，不做宅男
創作總會面對批評, 是否夠勇氣去承擔...堅持落去

音樂能力測驗

http://wiwistudio.com/musictest/
測試你的音樂天分
很有趣及少有既音樂測驗

Flash Game

http://www.gettheglass.com/

一個有趣Flash Game，在「Top Ten Flash Websites Designs for 2009」中獲得第二名。

袋

拍拖期間，問身邊馬騮：

「我幫你攞袋丫！」

「若是愛我的話，與其幫我挽袋，我寧可你一直牽著我手。」

通常演變為，一同挽袋，雙手十指緊扣。當時，肩並肩，手牽手。

婚後照常逛街，只是二人前後相隔數步。轉身向後問馬騮：

「見到我攞住個袋，都唔識得問下我，幫下手攞袋。」

「...」

婚後才發現，男士若想表現大方，只需拿購物袋。女士那LV、Cool肚濟手袋，還是留待女士自己拿。因為，男士不會體會，當女士挽着手袋時，那份享受生活，自得其樂既姿色。

雖然香港仔沒變，我們如常漫步長街。馬騮仍然快樂自信，洋溢青春風采。

只是，改變的，是我手上拿着既袋。



購物袋旁多左個.........買菜既膠袋。

分享有趣視頻

網上參考別人Portfolio Design時，找到一堆有趣視頻及圖片，分享給Blog友睇睇。

按圖開啟連結

另外，還有幾張有趣圖片

寫詩歌-受造物向神感恩

想寫一首詩歌，內容為受造物向神感恩。

自從上次聽楊醫講解，往後每次敬拜，必先提醒自己，受造物既身份，不配既身份。
認清自己既身份去敬拜，感覺拉近與神既距離。

一直只寫兒童詩歌，適合青年人、成人、時尚、非主流、或個人感受既作品則較少，想試試。

Heroine 河村隆一

收音機播出一首流行曲，旋律優美，扣人心弦。往後，上網搵左好耐，試聽百回，終於搵到這首歌。

Heroine 河村隆一

本週日本流行歌曲排行榜Oricon
聽時，覺得副歌String裝飾音(Em #2^3)扭得好吸引(出現在3分49秒~50秒)，與Bass line 襯托得天衣無縫。雖然，MV很老套。但心想，整首歌氣氛，此類chord progression，體裁適合應用於現時教會詩歌內。發覺自己，老毛病又發作，將所有最精選，最獨特，感動自己，通通收下，放落教會敬拜內，消化後運用。

擘完餅唔要耶穌
換完燈炟唔要老公

Cyborg She

剛睇完「我的機器人女友」，一套為男士度身訂造既感人電戲。
沒錯，日劇那套「絕對男友」(絕對彼氏)是供女士睇，見馬騮迷上就足以證明。
好在，身為男士，尚有套電影版「我的機器人女友」，總算公平。

我沒看簡介，除知道男主角飾演過日劇「交響情人夢」鼓手一角，女主角飾演過「鹿男救地球」，及除海報或封套以外，睇戲前所有印象，只來自向我推介這套戲既朋友~~「這套戲勁好睇，雖然估到結局，眼淚也不斷流。」睇完後，很想與朋友分享感受。同時明白，為何朋友問左我幾次，「睇左未？」我諗，彼此也想分享睇後感覺吧。現在先於blog記下，明日睇英超，見面時再痛快地談這套戲既感受吧。

由於我沒看簡介，也選擇不看簡介，抱着未知劇情發展之下收看。因此，不知道東京地震捨身救男主角一幕。雖然，地震一幕驚天動地得來，有點誇張~~整座大廈從高處墮下，大石通通壓在女機器人面上。當時，即使我口沒發聲，心中卻大喊：使唔使咁絕望呀？！...但是，預計不到既結尾還是滿期待。

睇戲至中段，女機器人帶男主角返回兒時故鄉，那段背景音樂很和諧圓滿。打開「寫給將來」既盒子，時空安排得十分巧妙。直至男主角問女機器人有關將來事情，本來目無表情既女機器人，面上難掩傷感既眼神，我開始意識到結尾既悲。

由我意識到結局，開始眼濕濕~~至漸漸懷疑自己心中估緊既結局是對是錯。內心一直質疑：如果結局真係同預計一樣，為何未能與起初第一幕出現，滿有人性既女機器人相連？同時，女機器人既出現究竟如何解釋？

帶着結尾悲既角度，繼續睇下半部~~做足心理準備，大哭一場。於是，把心一橫，將所有防止自己哭既障礙也排除...包括：趕走身邊已呼呼大睡既馬騮入房瞓(馬騮在身邊很難哭呀~~)開大喇叭音量，不吃零食，不問劇情因由，不估結尾，整個人投入戲內處境，投入角色。

一直很想找套戲大哭一場。無奈，眼睛始終搞對抗，欲哭無淚。

Post這張圖唔係要同網友上Biology
而係希望各位下次想哭又哭不出來時，不妨按下以上穴道。

昨晚聽電台節目「嘩嘩嘩打到黎」訪問師兄~~師兄說以前是大情大聖既人，大哭一場時很爽。後來不知為何，哭不出來。睇醫生後，發現原來係「淚腺塞」，位於眶上壁前外側部的淚腺窩內，副淚腺則於眼球下突出部份。只要用手按一按穴道，通一通，淚水即時吧吧聲流出。

於是，電影後半部份，我以手指狂按穴道，無奈，眼淚還是哭不出。即使，眼邊任何地方也胡亂按十幾遍，還是欲哭無淚~~

又話中年開始會眼淺...這套如此感動既戲，仍哭不出來...唔通真係「淚腺塞」?

雖然睇過如此精彩動人既劇情，卻偏偏錯過流下眼淚既機會。打算再睇多遍，雖然不是第一次睇，不知道眼淚又會否作對？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

繼「甜蜜蜜」後，今期最喜愛主題曲，收錄為電話鈴聲。
嘴嚼過歌詞，此版本比電影尾段播出既版本，妨如新譯本與和合本般，譯得更貼切連貫，簡單易明。

每當聽到副歌，「隨著風吹著~~」襯託着7th旋律，在一段副歌內，以同一組主綫旋律(71'753216)，巧妙地重覆兩遍，來取得平衡。配合Misia唱功，搖滾樂味道，從重拍位置用力扯開至邊緣，造成搖搖晃晃，蕩氣迴腸韻律。

只因，希望感動別要那麼快被淡忘。收錄為電話鈴聲，無非想腦海不停延續着這劇情：女機器人對男主角，那份貫徹始終，以同樣既感情，為永遠守護對方而走着既路。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

「我的機器人女友」官網

約束の翼(天使之翼)-MISIA

日文/中文

最初の约束君の笑颜を忘れない/最初的約定 是不會忘了你的笑容

选んだ旅路の中できっと思い出すから/在選擇了要走的路程中 一定會想起你的笑容

振りほどいた腕も求め伸ばした手も/不論是抖開的手臂或是向前尋求幫助的手

全ては同じ想いからで/全都是同樣的感情

迷いながらも梦今なら分かるかも/帶著迷惑的夢 或許現在才明白

切なさを超えてあの空へ/超越了那辛酸痛苦的感覺 朝向那片天空

风が吹いていくこの翼広げて/隨著風吹著 將翅膀展開

飞び立っていく/向前飛去

守りたいものがあるなら/就是因為有想要守護的東西存在著

人は强くなれるから/人才會變的堅強

この爱という果てしない空を行くのさ/所謂的愛是沒有盡頭的天空

最后の约束选んだ道を悔やまない/最後的約定 是別後悔選擇了今後要走的路

眩しい光の中できっとまた会えるから/在耀眼炫目的陽光中 一定還會再見面

仰ぎ见るこの空君がいる场所へと どこかで辿り着けるだろう/抬頭仰望著這片天空 是從哪裡開始連結到有你存在的地方呢

迷いながらも爱今なら分かるから 切なさを爱しさに変えて/到現在我才明白 原本對你迷惘的愛戀變成如此

风が吹いていくこの翼広げて/隨著風吹著 將翅膀展開

飞び立っていく/向前飛去
叶えたいものがあるなら/就是因為有想要實現的夢想存在
人は辿り着けるから/人才能掙扎著繼續走著

この爱という果てしない空を行く/所謂的愛是沒有盡頭的天空

锖付くドア押し开けてる/推開那生鏽的門

旅立つことためらうたび/在踏上旅程之時常常會猶疑徘徊
人は忘れていくよ/人是會遺忘的
かけがえのない爱と梦を/那無法被取代的愛和夢想

风が吹いていくこの翼広げて/隨著風吹著 將翅膀展開
飞び立って行く/向前飛去
守りたいものがあるなら/就是因為有想要守護的東西存在
人は强くなれるから/人才會變得堅強

この爱という果てしない空を行くのさ/所謂的愛是沒有盡頭的天空

we can reach it and go. if we dream it,

we can fly to the destination.

嘗試新鮮事物
不是去嘗試新事物，而是在學認的範圍內再intergrated深化及enhanced

鼻敏感逛花卉展覽，為博紅顏一笑
(值千巾.....千張紙巾)

好在，今年無去~~

重溫牽掛

相隔四天，感覺為何似分開四年？
擔心航機是否平安到步。
收到電話，報平安低步後，不久又開始擔心回航那程。
即使接機，返港後，行李凌亂佈滿客廳，
相片睇過，手信收過，
那擔心感覺仍未消散。

直至一刻，停下來，
見馬騮房中呼呼大睡，
告訢自己，已返來啦！
才懂得停止那份牽掛，這感覺很微妙。

終於體會為何家人擔心孩兒夜夜未歸家既感覺。
以前總覺得母親很婆媽，現在自己郤不經意重覆母親行為。

伴郎手信

話說伴郎如常坐在客廳睇英超，
馬騮興高彩烈與電話旁邊伴娘談着台灣之旅，
豈料伴郎L一聲，伴娘竟然願意買份台灣手信俾伴郎。

唔單止咁，馬騮返港前一晚，與伴郎MSN對話：

伴郎：L~~~~~~~~~~~~~你老婆係咪聽日返?
我 ：係呀....聽日
伴郎：如果係後日就好啦~~我會去機場接伴娘........份手信
我 ：順便送埋伴娘返屋企啦
伴郎：傻啦~~~拿左手信就撇~~~
我 ：咪等於 擘完餅唔要耶穌~~
伴郎：呢個好好喎~~哈哈~~我勁笑
我 ：L~~
伴郎：正~~用黎寫status
我 ：信仰真係入世~~ 我用黎打blog

躺在客廳皇帝位
聽着平井堅既「就是喜歡妳」
電視播放日劇「Innocent Love」
手上把玩着PSP桌球
吃着止口痕瓜子
想念在台北既馬騮
期待晚上籃球場痛快流汗
燈光柔黃 微風止住
都是最舒服時刻

Facebook Status

Facebook Status：「練成左手剝花生~~」

時下辦公室偷閒 電郵對答打油詩

時下辦公室偷閒
電郵對答打油詩

背景交代：馬騮將要飛台北，想搵我幫手攞捷運及購買巴士優惠

馬騮：

一朝容易眨眼過...枱面d野未"郁"過

下晝一定好難過...都係自己懶之過

哈，我幾好文采,要唔要考慮搵我幫你寫返首歌詞？hee hee =]
我係馬騮仔既徒弟！


Ka Co：
你首打油詩水準高左喎...

過過過...
雖然咩都未郁過
打油詩寫得唔錯
咪難過...咪難過

過過過...
怪台灣旅行之過
好快過...好快過

我往上環捷運攞
行銅鑼灣shopping mall
回想當年追你傻
打油詩寫左好多

馬騮:

咪行住,咪行住,
因乜你可以0甘逍遙,
如果今晚你無飯煮
唔該你幫我去多處

聽講星晨有飛賣
機場巴士平通街
不過你老婆我未知價
等我check埋你先好買

Ka Co:

慢慢check 慢慢check
去完台灣先至check

也未遲 也未遲
我今晚唔出街住
明日有更好去處

趕得切 趕得切
你今晚返屋企時
先至慢慢check唔遲

明日放工有街行
晚上銅鑼灣某處
到時答我都唔遲

你今早唔係聽talk?
唔係要去會展block?
點解仲身處公司
咁得閒回覆e- mail?

馬騮:

你玩野 你玩野
去完台灣駛乜check

返屋企 返屋企
覇到電腦先至奇

恭喜你 恭喜你
唔駛再困係公司

唔該晒 唔該晒
城巴乘惠$65塊

聽錯左 聽錯左
星期四到會展坐

Ka Co:

城巴優惠邊度買?
今晚答我邊條街
希望無咁快賣哂

最怕打完波返家
仲問到你問題嗎?
估你到時四腳爬
大字形瞓廳梳化

你就好 你就好
台灣美食難細數

回味西門町薄橕
你行過都唔會理
我想食都無得食
好在雪櫃有幾塊
到時自己煎來食

好肚餓 好肚餓
唯有返家食麥皮
食麥皮 食麥皮

Upgrade gear upgrade myself

很喜歡金卓拍既MV，甜蜜蜜。
於是上網瀏覽金卓作品，發現台灣更知名的導演，還有鄺盛。

想拍MV，必先具備一套好既工具--電腦
台灣天王天后御用MV導演：鄺盛推介既電腦組合
Acer predator G7700官網
Easy Swap，易卸式硬碟。
(Blog友可按以上連結@youtube收看)

硬件太貴，唯有從軟件着手，都係果句：「有限中發揮無限。」

Adobe Premiere Pro CS3

(寫blog同時，CS4已出，但系統需求2GB Ram，我得1GB，唯有退而求其次，用CS3)
(但半個月後，才發現原來可用CS4，2GB支援HD DV Input而已....無HD DV Input都可照用CS4)

SRS Premium Sound

SRS Premium Sound 官網
將現有音效提升，以前已聽過， 如boost聲音，tune EQ等，不算新鮮。但今日試聽過後，詑異其空間震憾感。

上網追尋最新軟件時，肚子發出咕咕聲，以為肚餓...放下資訊追求，進廚房沖麥皮食，倒至一半，才發現，係肚痛，唔係肚餓。還好，比起新資訊，我還懂得愛身子。

模仿

作家深雪講得對，看過別人作品，自己亦想模仿。別人喜愛的，是自己的作品，不是自己，分得好清楚。

與其說模仿，英文有個較好既字眼，Inspire，激發靈感，或 Be Inspired。

節錄鹿鼎記第十七回：
「韋小寶走出大門，雙兒跟在身後。其時大雨已止，但山間溪水湍急，到處都是水聲。韋小寶走出數十步，回首向那大屋望去，但見水氣彌漫，籠罩在墻前屋角，再走出數十步，回頭白蒙蒙地，什麼都看不到了。 」

睇過金庸鹿鼎記文筆，小說版好睇過電視版萬倍，因畫像盡收眼內，小說卻保留幻想空間。接收畫像時，還事乎個人心情，投入與否，對劇集故事角色喜愛與否，不時眼在看，思緒卻在想其他。

睇過小說版，自己想寫出像金庸文采...當然中文水平不夠。

藍教堂


紅磚屋



黃海灣

睇過日劇 Innocent Love，睇劇情之餘，腦內一直留意鏡頭如何攝取，搖攝與縮放，角色分佈在畫面3/8，夜景怎捕捉。後期製作，顏色調教，如紅磚屋、藍教堂、黃海灣、灰飄雪。

同一張三人合照，指尖碰着誰，交代角色喜愛對象。

至於劇本方面，除一般首尾呼應以外，嘗試分析其骨幹。例如留意關鍵物件，包括聖誔樹金星、三人合照被撕半，指尖碰着誰，交代角色喜愛對象。
故事講述女主角一直相信哥哥沒有弑父母，創傷下失憶，忘記事發當晚意外，忘記兇手是誰。
豈料，中後段，女主角恢復記憶....
分析劇本：以女主角失憶為大前提，再180度急轉....

睇完，又想拍Music Video...

福音樂園今年Camp慢歌，旋律與主題已想好。想試新東西，慢歌畫面加入Music Video元素，以真人取境。

素來仰慕音姐姐講話口才，擁有掌握聽眾呼吸能力，詢問音姐姐如何講，
音姐姐：講講下就識講

口才者模仿才華者，才華者善慕口才者。
不用模仿別人才華，不用善慕前輩口才，不能一步登天，慢慢來，感染力需時月累積，記着每份新鮮感覺。

Music Video？！整整下就識整~~

日日無膠袋日

Facebook Status：「出街買菜，行到北街，心知不妙，無帶環保袋~~」

發表作品時既思緒

營歌medley上映時，腦子空空。心情既緊張，又時刻提醒自己，懷着感恩，不想其他。

比以往做得好既地方，是rundown前一星期，已測試過播放效果，做足預備工夫。
因此，播放當日，很放心音響方面。
注意力能集中於拍攝上，拍下整套營歌動作，待將來使用。

回過頭來，才發現，每當播放作品，不知不覺會對外投射一種能量。
比如，希望大家細心傾聽，同時，又告訴自己，保持不拘小節。
想別人如何如何，又要不介意別人如何如何，
這個反差幾大。

過後，最大得着，滿享受播放那刻成就感，及多左位小fans。

Ten聽Kids感恩Sing營

2001 瞻不甩創奇、晚禱
《瞻不甩》五星戰隊超人動作簡單但效果大，夏令營第3日早上有幾位兒童主動跳着唱着；《晚禱》為創作詩歌奠定基石。

2002神愛我愛你
第一年氣勢太強，第二年力不從心，慢歌《愛交織》沉左。

2003活力靈感染、交在祂手裡、福兒
嘉欣真係勁，得2003年營歌唔跟歌名。《福兒》係第一首製作MusicVideo既營歌，2003年剛搬入大新閣，畫面亦以新堂取景，感謝神賜下大新閣給我地這班福兒-蒙福既兒童。

2004無話唔得既、雙雙足印
快歌開頭既超人圖案深入民心，動作真係難。構思慢歌時，以主席、事奉員、兒童3個party對唱既idea。晚會聽着小朋友牙牙唱起《雙雙足印》，可能係最感動既晚會，熙熙與郭弟弟兒時既歌聲繞梁10多年。

2005無Camp...無Camp歌...無Camp歌聽

2006環保寶寶步步保地球、體貼大世界
據聞為左聽Camp歌，繼而產生動力再搞Camp。咁長既歌名真係唔容易寫。《體貼大世界》係云云慢歌之中既代表作。多謝Jack幫手為那小女孩貼上那塊膠布。

2007KidFit摯友營、身心還是靈
到現在可能仲會問，什麼是《身心還是靈》？

2008家多0的愛家多0的Fun、有祢已足夠
MusicVideo內終於有小女孩抱着熊在天空飛既效果。雖然2008年負責搞Camp，本以為明白透Camp主題會寫出好既作品，郤因忙着搞Camp而降低Camp歌既水準；感謝神眷顧，萬事互相效力，歌曲水準下降，幸有填詞人江湖拔刀相助，使營歌意外地產生共鳴。第一年有家長加入日營，《有祢已足夠》填詞人描寫出家長既心聲，眼淚往肚子裏流。

最後，以熟悉既旋律抒發感覺，向神感恩10年以來既眷顧。
亦感謝神，賜我音樂，在兒童事工內有份，化成最珍貴既祭去事奉。