想得太多

陽光同清風會是好幫手

1) 工作

剛轉了工作..明日將面對舊公司的同事。
解釋少少背景...(因舊公司是二判...負責安裝電力裝置系統...而新公司則是大判...負責土建...及幫客戶監察二判既工作....彼此也是在香港大學，瑪麗醫院等地盤合作，只是性質與方向不同。)

公司既冷氣好凍，頭幾日還是待在辦公室.....由今日起，可以由雪櫃走出來...除了在辦公室畫圖...也是時候出街跟地盤。
要適應工作的轉變，由後勤設計至前線跟進等，都要一一兼顧。
在老闆面前要交足戲，對客要有交待，與同事打好關係，不攻也要防，對上對下，重新適應。

這份工作足夠嗎?...昨晚還在想，搵D份補習，教下琴...搵得幾多就幾多...
一直想轉行....但郤很艱難.......至命的是....我要在30歲前決定我的行業...比起同齡....已經遲了...
我的理想?.....想試..太遙遠..也很難達到....

問自己....這份工作...這個行業...
能夠給予家庭一個安樂窩嗎?.....
將來有車有樓養貓狗...
(車牌只合格了甲乙部份....丙部路試都未pass....竟然諗車....車....)

頓時失去了方向....沒有了目標....焦點模糊


2) 事奉
事奉嘛?.....自上次A capallea group...唱死人後......竟然....法官即場邀請我地再唱多一次...
心想...大家也疲累了....仲唱?....上次練習既次數實在太多了......其實...很明白...要練得多才有效果...這group...剛唱左1次...一開始好難講 commit...同一心志....付出等.....

有這個機會去跟人學唱歌...是高興的...
練得多也不是問題.....
只不過.....練習的目的....
唉.....

同自己講...下次再唱....目的不同...應該會多D心力....
但冇諗過....下次竟然來得咁快....
這段時候....大家經過上次既疲累....是時候休息下.....回下氣....

自己再唱...冇所謂....上次既聯絡人太辛苦了...
上次法官邀請既概況如下.....
邀請時，碰巧我要行出行入...去影團體相...都冇聽清楚邀請既詳情...
法官叫我答覆佢,
Q1)唱唔唱....
Q2)揀1首歌....
主題: depression...
日期: 10月4日星期六崇拜唱
以上詳情也是之後問返聯絡人才知道....

隔左個星期....
上星期六崇拜後...法官走近
法官: (威嚴)喂...我叫你答覆我....揀有什麼歌唱...
我:(汗).....err...
法官: (繼續威嚴)...過左成7日....仲未答倒我?...神造世界都係用左7日而已...
我:(汗)...我唔係神...我緊係做唔倒啦.....不如你問下聯絡人啦
法官: 我問聯絡人...佢又叫我問返你....
我:(汗)...政府部門都係咁架啦....請你等等.....我轉介去下一個部門
法官:...Deadline..星期三前好覆我啦!
我: "..."

我(在法官面前吞了這句 ): 我想講....我地既重心...係唱歌老師....或者聯絡人....我上次只不過係二打六....你去搵佢地啦...

之後，我走去聯絡人傾左陣
聯絡人: 唱歌老師潛左水.....

馬騮提我....法官自少認識你...緊係捉住你啦....佢又唔識唱歌老師...同聯絡人又唔熟....
上次聯絡人遍體鱗傷.....唱歌老師又潛左水....大家又缺乏心力
要拒絕法官....其實有辨法...
好簡單....就答佢...."人唔齊...唱唔成"

話雖如此....法官曾經幫過我....是報恩既時候...
我自己又無所謂....真係睇下夠唔夠人...
於是致電問下其他唱歌朋友....rhythm結他仔

我: 上次你有聽聞法官既邀請嘛?...想問下你地得唔得....
rhythm結他仔:...err
我: 我都明白上次大家練得太多....我打算今次簡單D....練最多2次....
rhythm結他仔:...如果係2次既話...問題就唔大 <-----勁鐘意這答案
rhythm結他仔:....最好安排在星期六崇拜之後....方便D...唔使平日搭車出來...
我: 再聯絡
結他仔話幫我問下佢朋友...

又再之後....(唔好意思....睇緊blog既你....今次篇幅較長....可以去下廁所...break下) .. ..

....
下半場

3) Depression
我揀左2首歌....主題:depression....沮喪.....
這主題很配合大家....至少很配合我.....

#1【親愛主】
A capella arrangement mood: 抒情

http://www.christianstudy.com/data/hymns/text/c0685.html
詩集：齊唱新歌第 09 集，4
親愛主，牽我手，堅立我，領我走，
我路途，佈滿霧，看不透，
你引路，過黑夜，縱遇危難同渡過，
皆因你，緊握我，拖帶我。

親愛主，牽我手，幫助我，去困憂，
我軟弱，我困倦，我傷透，
我挫敗，縱淌淚，試問誰能明白我，
深相信，此刻你，擁抱我。


#2【一無掛慮】
A capella arrangement mood: 跳躍
http://www.christianstudy.com/data/hymns/text/c0327.html
詩集：齊唱新歌第 08 集，6
應當一無掛慮，拋開心頭的擔，
凡事藉著禱告，盡訴心意，神在聽應當一無掛慮，
主的恩慈不變，危難亦在看顧，長路伴我走過。

應當一無掛慮，心中懇求之際，
神在默默應允，為我指引，前路裡應一無掛慮，
即使所求不見，仍未絕望沮喪，前路定有旨意。
副歌：上帝的祝福恩待，縱是疑難仍必越過，
　　　仰望神今天不再驚怕；面對前途迷離不定，
　　　仰賴祈求信心渡過，靠著神每日面對挑戰。

腦內浮起A capella既arrangement...
第#1首【親愛主】較抒情...適合主題多D.....但比較內心戲...要在短時間內造到...=希望工程
第#2首【一無掛慮】較跳躍...適合 A capella演釋....吸引會眾

但2首都是上1代既詩歌....以前在利物浦造司琴時跟領詩學的....(領詩是上1代)
仲使法官屬上2代...佢既taste應該會feel like古典英文opera = 希望工程^n次方

馬騮suggest了另1首近期D既詩歌....勁醒....#3【你許可】


#3【你許可】
A capella arrangement mood: 未諗
http://www.christianstudy.com/data/hymns/text/c1148.html
詩集：來復興我，13
曲：吉中鳴　詞：唐桂成

挫折有你許可，要讓祝福漫過，
至死痛楚，要將生命加多。

你破碎我一切，卻換上更多恩惠，
榮耀路徑必有淚涕。

誰肯放棄自救，才將救恩識透，
葡萄被壓才得釋放，釀出新酒，
人生到了絕處，才知道愛的深處，
才能盛載神恩豐滿傾注。

第#3首幾好...很配合主題...只是未必適合 A capella
所以A capella arrangement mood: 未諗


今晚要回覆法官....3首揀1首.....
打電話前....尚遇到其他難題及掙扎....
a) 才女一貫有型地唔得
b) 我sense到rhythm結他仔既女朋友也鐘意唱歌....及跟唱歌老師學習
c) 但唱歌老師仲潛緊水...唱歌的technique有老師指導會好好多

就在掙扎既時候...收到聯絡人e-mail既十卜...
....thanks for lining up the singers...
....and willing to help ...contact歌仔....
....祝我有個"smooth" communication with 法宫

是在這掙扎中既一點光明
聯絡人打算這星期六返教會同大家傾傾

於是數迷團也頓時解開

煮面食先
...待續....