司琴仔

週六日崇拜同福音樂園都要做司琴已經事少，但係3次都係唱"感恩歌"就真係罕有中既罕有...

變形金剛

大黃鋒 KO 柯柏文

http://www.viicity.com/v_playvideo.php?v=j2ava2fluq9jtaq

日本隱世武林高手, 保證超厲害

日本隱世武林高手, 保證超厲害

最後一位含冰射影的高手也太強了吧
這個絶招可以殺人於無形了..

http://josong.blogspot.com/2008/08/blog-post_21.html

My Breakfast- 牛油西多士

My breakfast- 牛油西多士

第3代啪啪機

今日上網發現，繼啪啪機同青豆之後，第3代止手痕既日本潮流小玩意，終於面世啦!
不論係咪玩厭左3x3甚至係5x5扭計骰既你，都可以擁有一部。唔知香港有得賣未呢?
(點解我講既野，好似電視節目"流行東京"主持那篇講稿既呢?)

第1代-啪啪機

第2代-唧青豆

第3代-拉封條

模仿拉開食物包裝封條既格格聲


紅、白、藍、綠，任君選擇

單車日

放開懷抱，心情輕鬆開朗，任何生活壓力暫時也可拋諸腦後...同朋友踏單車去!!...啦啦!!

出發前一晚，準備dup D mp3，諗住可以邊踏單車，邊吹吹風，聽下唱下，
諗住早D瞓，養足精神，點知..電腦內既mp3全部播唔倒，
於是一dup，就dup 左成個半鐘....
搞到成 4:30am至有得瞓....當日8:15am起身....勁唔夠瞓...

踏單車當日..完全眼瞓地踏....喉頭又因唔夠瞓...冇聲唱歌

由大圍至泥涌，踏至馬鞍山路段，我租左$40既一架單車..真係好流..架車既方向盤竟然鬆左...
即係...正常方向盤同前軚應該係成90度....
鬆左之後...方向盤同前軚係成平行....
亦即係.....踏踏下...會突然同我急速轉彎90度....我亦因此在一個落斜位PK左...
真係...租咁多年單車...通常都係brake壞、鬆鍊、或唔夠氣...
鬆方向盤還是第1次...

因為手頭上冇工具....去附近一間客棧，問江湖借士巴拿(支士巴拿唔係好岩使，只能勉強扭倒)，同朋友扭完....踏左一段路...都係再鬆
好在..馬鞍山途中遇見有心人...個阿叔仲領我去最近既單車店...(成個泥涌同馬鞍山只有一間)
但係...區區扭實那粒鏍絲...間無良單車店竟然收我維修費$10.....冇計...局比..

原來距離上次踏單車，已經是兩至三年前既事，跟少青一班人那次，更遠及上個世紀。
今次...一行五人...人數唔多，但勝在唔會太散...唔會形成前後車羣。
我地踏至泥涌，在石灘上散步，片石，休息，影相，睇下彈塗魚既friend:紫色蟹仔，同蟹仔既魚生食物: 彈塗魚，幾悠閑。

我架識得自動扭軚既流車...

頽中頽
圖中重疊了兩張相

海天一線

水泥一地

移花接木既相

冰震香滑奶茶
扮有錢人既奶茶

回程

邊踏邊影

睇下自己還有幾多年命

有個有趣既survey....下妨試下...

http://www.huoguan.com/survey/lifetest.do?username=1306780799#myspace.cn?


我既結果.....

测试结果：

您将于公元2066年09月10日去世！

您距离死亡还有： 57年 8月 20日 18时 11分 22秒

提醒您：青春美好，请珍惜时间！

病到暈

我真係病到暈...竟然倒米煮飯既時候....張袋米倒完...收埋.....

放落"雪櫃"度雪.....

FF8

我又沉醉在....FF8

電郵大惡搞

好欣賞朋友每次搞活動，透過電郵，好比心機，吸引大家回覆。
以下是將邀請踏單車電郵大惡搞，絕無惡意，請別見怪。


原文: 杜甫詩云：愛汝玉山草堂靜，高秋爽氣相鮮新。
惡搞: 杜甫詩云：藍水遠從千澗落，玉山高并兩峰寒。

原文: 這是一個多麼恬靜閑適的生活環境。「秋高氣爽」原來就是「高秋爽氣」。
惡搞: 這是一編多麼典雅明麗的債戶債據。「夜半月明」原來就是「半夜明月」。

當你上下班時，深秋的涼風撲面而來，
當他上下班時，寒夜的身影摸黑而行，

在這忙亂的都市生活裏，你有偷閒停下來，靜靜的感受一下嗎？
在這急促的報館工作裏，他可偷閒停下來，慢慢地放鬆一下嗎？

據說，大海的深處是平靜的，花朵的一生是無聲的，再巍峨的高山也是沉靜若斯；
據說，心靈的深處是綠洲的，基靈的基金是蛋糕的，再悠久的少青也是歷久不衰；

大自然中許多壯麗的生命，往往以沉默示人。
月影之下許多瀟洒的青年，往往以虛浮矯飾。

沉默有時不單是一種智慧，有時也是一種藝術。
儲蓄有時不單是一種學問，有時也是一種修養。

生活中原有些東西藏在心裏便是一種真實、一種深刻，說出來，反而淡了，甚至忘了......
口袋中原有些散銀藏在銀包便是一種真實、一種安穩，拿出來，反而輕了，甚至跌了......

比如說：我欠家駿一百三十九元
比如說：我有錢但係唔想還

然而，再高妙的語言，也不過是一種瞬間智慧的淋漓表達，但智慧與表達本身並不證明成果，
然而，再昂貴的借貸，也不過是一種瞬間狂莽的花言巧語，但花言與巧語本身並不掏盡心聲，

「樸實的行動」才是受造之物對造物主華麗創造應有的回應
「實際的償還」才是負債之戶對債權人慷慨解囊應有的回應

b哥和我誠邀大家，十月二十五日(六)，上午十時，踏單車
b哥姐夫應約閣下，十月二十五日(六)，上午十時，踏單車

讓深秋的涼風撩動你對神的渴慕，同步重整你生活的節奏
望額頂的冷汗釋放我對神的申訴，逐步解除我現實的束搏

只盼你們飛來片言隻字的回覆，別讓我們望穿盈盈秋水、蹙損淡淡春山......
只盼我們拋開沒完沒了的煩腦，好讓我們早日再會大圍、痛快逍遙泥涌......

BBQ

星期六往馬騮's friend 屋企BBQ
女仔幫手洗野
男仔緊係負責炓爐

爐分兩邊....我同朋友各抖一邊....
我那邊已經見白煙
但朋友那邊未見有起色

袋炭唔對路....買左袋A貨....濕炭
見朋友被其女友怒駡之下...個火又唔爭氣....炓極都唔著
一聲令下....速速去買個袋新炭返來...

但係佢屋企位於半山....除的士以外，無交通直達超級巿場..
想買炭....就一定要跳落山...約15分鐘才到達最近既超巿...

在女友繼續怒駡男友...又見他以無助既眼神往我一瞧....
示意想我陪佢跑一轉
佢手都唔洗...就高速往閘門直奔...
我緊隨其後....

沿路我地邊路邊訴...身為男友既煩腦....往同一目標進發

吹水內容包括:..
「女仔要慢慢寵....等陣不如買D飲品返去.....塞往佢地把口，買個安靜都好丫」
「必要時....拉條拖板落黎...用明火煮食都不失為一個好辦法」
過程滿享受

一來一回....最後我地都成功買炭...抖好個爐.....俾大家燒雞翼...
我地舉杯...以可樂代酒...干杯慶祝任務完成
之後....可能係跑完山既關係.....我地都冇餵口....
我地不用多言...相視而笑
又有默契地...返上樓涼冷氣打機...

遇困局未必是一件壞事....只要有同路人一同面對....逆來順受...個火始終都會撻著

選擇

人生充滿選擇...

冇得揀由自可......有得揀就頭都痕
手持一張UA 電影禮劵.....免費請你睇戲.....

一直想...平時都係在屋企睇電影...難得有套可在戲院睇....緊係要揀套有荷里活般震憾既電影至夠喉.....

目的...係要在有限資源掏過盡
打個比諭...香港人食buffet.....明未?

於是....張coupon 一直在屋企既locker內雪藏...雪左超過半年

過去半年...
馬騮: (歡喜地) 我地有張 UA coupon...不如我地星期日戲睇囉!
我: 睇邊套?
馬騮: 就...蝙蝠俠啦!!
我: ....都唔夠紅磨坊D音響咁正....等下啦!...遲D有套仲震憾D先睇啦!!

過多3個月.....
馬騮: (沉住氣地)我地有張 UA coupon...不如我地星期日戲睇囉!
我: 揀邊套?
馬騮: 就...奪寶奇兵第4集啦!!
我: ....都唔夠蝙蝠俠D音響咁正....等下啦!...遲D有套仲震憾D先睇啦!!

到今個月頭.....
馬騮: (追數語氣地)...我地張 UA coupon...再唔睇就到期啦!...
我: 離到期前.....只有"武俠梁祝"、"20世紀少年"、及"媽媽咪呀"、....
雖然都可以在屋企睇....但真係3套都一般，冇咩好揀.....

到今日....
馬騮: (牛眼地)...我今晚收工經過銅鑼灣....去換張coupon...
我:...仲未決定好睇邊套...唔......."武俠梁祝"啦!!
馬騮: 卜鎚啦...就"武俠梁祝"!

到今晚...
馬騮: (電話內)排緊隊換票.......前面仲有1個人到我
我:...(臨危立馬)都係睇"20世紀少年"啦!!


(UA時代只有"武俠梁祝"，"20世紀少年"在UA朗豪坊才有上畫。)
馬騮: 早知係咁我就唔使專程出銅鑼灣啦!!
馬騮: 灰爆!!!!!!!!!!!!

為表歉意...我之後專程出旺角換左張coupon...星期日同馬騮睇"20世紀少年"...好睇!!

四人擘餅

我反醒時望到既畫面...

平時聽朋友在音姐姐屋企查經，反醒時會丁丁聲，今日放假，終於有機會一嘗這查經滋味，敬拜.....同hea...，同時....再與四川朋友送行，祝福祈禱。

今次音姐姐安排左...

1) 四川朋友帶敬拜
2) 朋友講道+查經

我係第1次上去，所以只是應邀司琴。

我地食完午餐...只見兩位朋友無聲無息地離開餐枱....竟然認真地預備起來....一個睇聖經，一個預備powerpoint歌詞....
枱上剩返我同音姐姐.....有點自然得意地同音姐姐(這位司琴前輩)講:

"真係好...司琴係唔使預備....." (同音姐姐相視而笑.....)

往後...敬拜與聽道,....今次唔係音姐姐帶我地思考到丁丁聲....而係朋友第1次既講道.....幾發人心深省....

經文: 彼得前書 3 :8~18
重點: 提醒將要出發既四川朋友...

不是誇奬朋友解說聖經既能力....(佢一直都有教導恩賜), 而是神既說話，唔單止透過朋友把口
傳達到四川朋友既身上，也擊中我既內心。

分享被擊中既位置:

1) 彼前3: 13 你們若是熱心行善
熱心: Keen on 熱心是樂於及投入事奉
感想: 以往既事奉總有交脹既感覺....很害怕行多一步....就被目光投射多一步....寸步難行....旦求交差....對得住邀請者...對得住自己就算。

行善: 行善既力量，當你行善時，別人是無法控訴的。
感想: 我不期然回想起以往在利物蒲教會事奉的光景....熱心事奉....但換來半間教會師奶娭妒....投訴至牧師......我當時唯有本著一句"順從神，不順從人是應當的"...牧師是支持我....也教導我成功之道。

2) 彼前3: 14 你們就是為義受苦
為義: 這個義是否真的義, 還是自己攞來
感想: 係囉.....這個義...這段經歷....是否合乎神心意....還是自己攞來.....

3) 彼前3: 15 只要心裏尊主基督為聖
尊主: 事奉態度要擺正
感想: 都知道....再fine tune下....繼續持之而行

3) 彼前3: 15 就要常作準備，以溫柔、敬畏的心回答各人
常作準備: 隨時準備見證主恩
感想: 當晚發夢竟夢見被問事奉心得....我又唔記得發夢時答左D0麥...

4)彼前3:18 因基督也曾一次為罪受苦
一次: 真係有效既贖罪祭...一次就夠
感想: 媽若明白這道理...勸仔....都係一次就夠..就好啦....梁導師也教過....教導小孩...最多3句....要聽就已聽入耳...再多也是無謂....

5) 彼前3:18 為要引我們到神面前。
引: 引既意思...是主耶穌行過...讓我們可跟著祂行
感想: 有得跟著耶穌既引領，感覺很安穩


講道查經分享到這裡...

隨後.....朋友分別帶完敬拜同講道查經.......
音姐姐提及...講道中間也有主耶穌既義代替不義...
叫我帶領聖餐!!!!

五餅二魚

餅係杏仁餅...碟上有兩條魚

一直覺得.....眾多事奉中，最受尊貴的....就是領聖餐....即使現時教會能夠有份領聖餐的....非同工會不行.....
竟然.....我有幸領聖餐.....感覺受寵若驚, 覺得不配做如此重任....
回想上次圍埋一班弟兄去擘餅....一數已超過10年前....英國弟兄屋內既讀書時光.....當時滿享受...熱心事奉.....塊餅又可以分大份....杯葡萄汁大口大口喝下.....爽....份外投入....

今次既領聖餐.....讀上林前經文....親嘗用手擘開餅....(塊餅係杏仁餅)...又新鮮...又顫驚..

聖餐過後...我地祝福祈禱...
之後....開始hea 文化交流.....佢地訓哂係梳化.....我在睇小說....
打左輪NDS....睇左陣70年代NBA.....(第1次睇到Jabba 的勾手....左右手都勾倒.....勾到唔入....22分內有得4份field goal.....破壞了多年偶像既美夢...唔睇由自可...一睇把幾火....)

等下半場....打桌球...及晚上德記吹水大會....

聖經和合本版...同NDS版....

個白波唔係擺係側邊...而係高速於黑柴邊停頓....勁!!...