夢

"能"手燒汁金菇肥牛、葡汁薯仔炆雞翼

今日發夢....夢見參加兵乓球賽....
同英國中學好friend既男同學仔Hannah...

睇住佢比賽...有少少似以前Oxford House與House之間既比賽
佢攞冠軍...
我又貪玩在另一枱兵乓枱抽左幾球...開波同上旋....

之後....幾個同學仔行返House...
我竟然係一手抽住幾袋菜...返House煮飯?!

屎都滾...發夢都離唔開煮飯...賤命一條

夢想美麗 現實殘浩

壞消息..續..

聽馬騮講, 佢收到既訊息唔係咁....
Aunti..佢唔係早走......而佢真係離家出走....拋下家庭...
Uncle就真係傻左....

旺費了我一番掛念之情....
而馬騮同我既結論竟然係:
姑勿論佢係咁真係離家出走
總好過佢pass away....

我會再問下家姐是否屬實

除了這個結論.....
也讓我感覺到人大了，真係眼淺左。

壞消息

早兩晚同父母及馬騮食海鮮，位於西環海旁尾一間新開既舖頭 "西環碼頭"
聽到一個壞消息.....

我在英國留學期間，照顧我既Aunti走左....我Uncle 傻左

聽到這消息，在旁既家人只是繼續在談論著這家庭的近況...而我只是發呆
直至我發現父親好像察覺到我反應遲頓了，我才強裝寒暄...內心繼續發呆

往後這兩晚....即使手指如常地按滑鼠打facebook辦公室/古惑仔on-line..篤背脊..買第7間賭場...
鼻尖仍是酸溜溜....也終於親嘗這份欲哭無淚既滋味...

莫非人大了，就要學習別離?
好似老人家般....為將要遠走既朋友做好心理準備?
每次諗到這裡...就不敢再諗下去。

平時別人既安息崇拜，我沒什麼大感受....最多只當作安靜思考既好地方....
但近親有印象的.....繼我表哥....鄉下七叔....爺爺走後....Aunti是我關係較深刻的一位。

Aunti 是我英國留學期間，照顧我既guardian,
回想起往日一同凌晨做貓頭鷹，打Playstation 既Ridge Racer, Rayman
一同欣賞Michael Jackson 既 Heal the world

她住在英國最南方近海既Portsmouth(即英超隊伍既樸茨茅斯)
每逢half term走難迫遷，或放長假如Easter holiday既時候就招待我，令我切實地感受到英式家庭既生活韻味。
她總是面帶笑臉....洗碗即使洗潔精未過清就放在tray上....問佢只會答你:"I don't care"
Easter 會問你...要唔要朱古力Easter Egg

佢係動物專家, 家裡所養既動物昆蟲千奇百怪，養貓養狗養兔仔唔在講，
貓仔叫"Duke" 狗仔叫"Oscar"
佢個女養毛毛spider....佢細佬養鱷魚...
隻貓嘔之前佢會手快快由地毯拋出廚房既地板......
廁所內養白老鼠....err....應該係放白老鼠
同條蛇講"Hi Snake!"，係我面前捉住條老鼠尾...餵鼠俾條蛇做朋友....

在英國7年內相處既時間...總記載著回億，感情.....
這些美好既時光又怎能抺去?

可以做什麼?
往往是以為做些什麼....來幫助其不幸家庭....其實此舉可能只是安慰自己
覺得做些什麼, 自己內心會舒服些,
理智既我....每當有朋友唔開心，我會選擇陪伴，聆聽，多於提供意見
聽過一個預防自殺，生命熱線既義工講過,
佢分享過用心聆聽既經驗....有以下比諭:

當一個唔開心既人....佢跌左落一個深淵內...
你唔係在頂部不斷問佢野.....而係，你要俾佢相信， 你係同佢一樣都在深淵底部

話雖如此，我仍是憑點點餘力，做了少許關心行動。
那段時間與Aunti相處過的屋企人...佢既女明年打算來香港旅行
早期還冷淡地沒回覆facebook 既Inbox.....
聽後即晚...在Facebook 回覆返....也應承做下香港導遊，歡迎佢來香港，
相信佢一家人也不會好受......我可以做到既...陪得就陪。

Aunti已經在舊年遠走....
原來...剛知道已走了好一段日子既感受，比起知道剛走了既感受...來得平靜。
人總是要將感受適當地抒發出來才健康，這個blog也是供我表達情感既平台。
唔知uncle 點呢? 佢屋企人近況如何?
Duke 同 Oscar 點呢?.....唔敢問....

黑仔

自從奧運開幕至閉幕以來, 就冇update到個blog.....
部腦又format左...冇左D相....

這兩日好黑仔呀!
打籃球扭傷腳.....
屋企倒瀉汽水.....
出街唔記得帶銀包....
煮面灼傷手.....
落蛋煎龍脷柳前倒到隻蛋通枱都係....
再發得隻蛋來條魚已經熟左....

以前獨個兒在英國租屋住時已經係咁...
究竟係黑氣纏身...
定係黑仔無分國界...

終極俄羅斯

黃子華棟篤笑-兒童不宜

以往都有聽哂所有黃子華棟篤笑...
今次既兒童不宜...都有聽...
但整體上總覺得水準下降左....

話雖如此....裡面有兩個重點是很認同
1) 咖哩啡...
一個人成日當自己係主角其實係好笨
唔好當自己係主角...當自己係咖哩啡...
生活會容易好多...就會睇開好多
一個好豁達既人生

2) 利益衝突....
這世界不外乎利益這兩個字, 你有什麼利益..就決定你有什麼立場..揀什麼答案
乎合利益就做....只要冇利益衝突...好多事情都可以融洽相處

15日快樂!!

15日快樂!!

古惑仔on-line

好一個古惑仔on-line
個個狀態唔係"重傷"，就係"你已受了重傷，不能攻擊其他古惑仔！"
有D銜頭仲寫 "打完請add 我"

竟然令facebook一晚內有43個friend request，以人多蝦人少既概念，成功令face book內每個人留言都是一句..."add 我!" 中哂facebook計!

話雖如此，有玩既請add 我!