係公司發呆，竟然聞到奶油飽既香味!
究竟係餓到傻左，定係公司既冷氣太凍!!
隨想
11 年前
2008-09-26
2008-09-23
通菜街 改編自:<喜帖街>
通菜街
填詞: Ka Co
改編自:<喜帖街>
平放這塊針板 隨手執刀柄 刮上菜刀痕
別再切 黃枯的粗梗 我決定要慳家
慳得起 人應該接受 總有日發霉
其實沒有一種爽口菜味 灼菜也不差
就似這一區 沿西區街巿 買餸既天下
習慣下 同師奶討價 欠五毫別太瀟洒
小販只會拒絕平賣 驚心膽顫單挑講價
冇得平 賣8蚊斤可以嗎 又再爭執有用嗎
回味過往的家 當媽媽炒起通菜那鑊氣聲音
蝦膏水蒸氣那份油味 交錯發汗熱情濃 彌漫廚櫃角落
傳授到這一家 香蔥炒椒絲都會變黑 點算呀
想炒蝦膏點知冇蝦膏只有腐乳嗎
終須要白灼嗎 別怕
請細味炒菜那溫情 好嗎
本來想用詩歌"你的愛"來填歌詞笑下....
主題係"點解通菜摘來食好味過用刀切"
但總覺得用詩歌來改，雖然耳熟，得感覺唔太好
而"喜帖街"轉"通菜街"夠gimmick
於是就寫下來...由摘菜...寫寫下... 寫成
1. 預備炒菜過程
2. 回味家中媽媽煮菜味
3. 現以這份情傳給家人
好少改歌填爛詞, 希望大家笑下enjoy下!
2008-09-17
認真籃球
戰術板...幾認真.....(另一隊的.....)...文具舖有得買
今晚跟朋友往紅磡打室內籃球。比起平時在西環打街場，室內打既5對5籃球認真好多。
縱使籃球框高左，3分線遠左，籃球重左....適應下....開濶眼界....個人豁然開朗。
發生了小插曲.....對方在半邊球場比賽期間，我地會在沒人的另一半場投籃...
當佢地返來防守時，我地會走出場邊...待下次進攻時...再投下籃....習慣下手感....
我如常在沒人的另一半場投籃....豈料.....投出的籃球彈框後....飛入半場之中....我朋友為左幫我拾回籃球...與高速返來防守既球員撞過正著.....
啪!!....瞬雷不及掩耳.....雙雙倒地....我朋友爆右眼角......另一位倒地.....昏迷....
旁邊立即叫救護車....兩分鐘後...他才醒過來....但行了幾步....又再不支倒地....坐下來....待救傷隊到達....
後來...朋友貼上膠布.....那位受傷的....送往醫院檢查
眼前發生.....也因為自己.....而害到朋友受傷....總是過意不去....
除了這插曲....室內打5對5籃球賽時之投入.....能夠認真忘我去比賽...雖然我隊不夠隊型....戰術有待改善.....但默契會慢慢建立......我一落場也拖展了看家本領..."抅手"...入了第1分....也有幾球進帳及妙傳...既顫驚又享受的晚上。
2008-09-16
祝福祈禱
今晚同馬騮，兩位好友，往街巿大記食一餐飽飯....之後，在巿政局室內球場找一處地方，一同祈禱。很有意義呀!我地同心祝福，即將遠行體驗四川災後重建既生活.....也有彼此為生活互相代禱...。
今天晚上...我地都好飽....唔單只肉身肚裡既飽....而且係靈裡既飽。
我地等待你返來分享在四川生活既經歷與感受。
今天晚上...我地都好飽....唔單只肉身肚裡既飽....而且係靈裡既飽。
我地等待你返來分享在四川生活既經歷與感受。
2008-09-15
"屎"上最強
同朋友食........"屎"......上最強
旺角地鐵E出口...朗豪坊附近...禾民隔離....
全店以廁所為主題.....
天花以巨型廁泵造燈....
牆身以花灑、廁紙格、廁板裝飾...
眼前以洗手盆為枱
眼前以洗手盆為枱
坐廁等凳
菜名也是滿嘔心的.....
碗碗碟碟都是以浴缸、坐廁為主題
棕色的泡冰放在豎缸.....都係不離於..."屎".....坐廁碟內有蠟燭點著為火鍋...暖著焗飯....挺別緻....
餐廳內所有都是以廁所設計....滿期待的真廁所究竟是如何呢?
......真廁所......只不過是一般的廁所...「屎都滾....!!」
真有其橙
我朋友幫手整既powerpoint...08年福音樂園營歌既其中一幅
原來真有其橙....
同一個世界，同一個橙...
見倒個橙，就諗返起首Camp歌...
「大大..大跳熱情奔放既舞步
完全投入舒暢!!」
訂閱：
文章 (Atom)
