當向公眾分享及發佈作品時，亦代表這份作品已進入完成階段，宣告完結這3個多月的長期爭戰。
於最後一段動畫加上過場效果，及滙出時，這刻感覺，有點不捨。

甜言蜜語

甜言蜜語

福音樂園夏令營I Choose插曲(2011年7月23-25日)
唱：朗喬‧妍妍
導：William 曲/編：家駿 詞：斌‧Cha‧家駿

每雙小眼睛 每聲心跳聲
願祢細看細^聽
在祢眼^裡 在祢耳^裡
盡情流露沒修飾

每天感^恩 每天感^恩
神無時無刻看守
悠悠長夜裏 聽到祢在耳邊的
甜言蜜語

祈禱的聲音飄上半空後
但祢那美意知道否
神恩典一早鋪滿這地上
難道還未發現

奉祢的名來祈求 低首默默靜候
飄飄然回味這份甜
即使無求無言 不懂如何言詞
期望神亦會知

劃破心靈迷途時 點起段段樂事
是我與祢傳情達意
鬆開常纏眉頭 清心同來祈求
神甚樂意

禱告神傾聽 恩典甜絲絲
甜言蜜語

Make My Choice

I Choose 2011福音樂園夏令營

唔經唔覺，夏令營已經過左一段時間，同小朋友相處短短三日兩夜，難忘既片段，依然歷歷在目。

還記得旅遊巴考記憶題、BBQ排隊彼此服待叉雞翼、燒吓綿花糖、食吓大西瓜，
甚至流水柱時一滴不漏咁飲哂半邊西瓜汁，到第三朝齊齊紥羅馬炮架等等。

最深刻既，著住營衫融為一片橙、晚會敬拜被聖靈帶動既場面，依然意猶未盡。
各人帶走既，又豈只有Make My Choice To Follow You咁簡單?
那條長樓梯，你又重覆跑上跑落左多少次?

無論你想重溫夏令營片段，又或者覺得為主付出未夠，
咁珍貴既場面，點都要記錄下來，才稱得上為完滿既暑假。

盼望能藉著這首Camp歌，負托著每位參加者既熱誠及投入，
將與孩童同行既使命，不段延續更新。

Make My Choice
福音樂園夏令營I Choose營歌(2011年7月23-25日)
唱：朗喬‧頌妍
圖：秀雯 曲/編：家駿 詞：斌‧Cha‧家駿

巨浪前要堅定 或及時退一步
樣樣憑信心識去揀

遇着情緒風暴 絕望仍有出路
敗共成只差一線間

誰人放棄尊貴為我 已選擇無價的救贖
因着救恩 捨命降生 I will follow, YOU!!!!

學有得揀 學點揀 學主
立志擔當 在今天做起
神白白恕我罪過
求學像祢背負更多

學去捨己 學背上十架
效法基督 願一生隨祂
Make my choice to follow you
Make my choice to follow you

全情投入搞Camp、寫Camp歌、填詞...

lunch time 填詞，等車填詞，過馬路填詞，搭升降機填詞，播歐聯填詞，滿享受~~

3至5月份
經歷了「4個婚禮，1個葬禮」

今年，仲有2個嚟緊~~

邊彈邊唱

音樂人家

Cake

Mat-game

上次開party，想同琴邊既朋友傾計，可是彈得琴嚟，就分心唔到~~

對上一次兒崇，亦嘗試過邊彈邊唱，總想再進步多啲~~

有時很羨慕別人可以邊彈邊唱，是如何練出來呢?
吉中鳴、葉錫安仲可以邊彈邊講、邊彈邊教，究竟係點做既呢？

請教過音姐姐，原來人既大腦，同時1個感官只可以處理1種訊息。
即係，靠睇譜既仍然可以用口講野。

但我係靠聽覺，腦內正在編旋律，所以無感官處理講野，或唱歌。
因此，想邊彈邊唱，甚至邊彈邊帶敬拜，就要對如何同時分配眼，耳，口等感官訓練下喇。

當時，我就回應音姐姐：「如果可以好似電腦或iphone咁，加多粒CPU，行Dual Core，像多條音軌咁, 可以同部處理就好喇~~」

咁咪可以同時唱主音同和音，邊吹水邊唱歌~~

以前聽家姐講她朋友既媽，可以邊煲劇，邊鬧女，邊織冷衫~~
相信平時既我，不知不覺都用左好多感官同步。

即係，平時都係開住英超、聽住收音機、上住網、嘆咖啡~~

創意

夾糖小禮物

最近朋友仔婚禮晚宴上，別具心思，小禮物竟然係夾糖，賓客可選擇，夾過痛快，極富創意。

所謂創意，其實係，在未試過既場合，嘗試一些其他場合已用慣哂經驗。
簡單啲講，在糖果鋪夾糖，唔出奇。在晚宴上派小禮物，亦唔出奇。
但在晚宴上將夾煻當為小禮物，就新鮮，實用，既滿足賓客，又富創意。

同樣概念運用在教會內，一樣可以。
等於以往教會只會用琴，演唱會已用緊樂隊、燈光，舞台效果。

現時，教會只要琴，加支結他，或成隊樂隊，已很豐富，播埋youtube就新鮮。
如果將來加上燈光及舞台效果，就係創意。

畢竟，創意呀，新鮮感呀，係吸引，不過，一實行就有讚有彈。背後還需要付上代價。

當晚晚宴，除了夾糖，枱上還有一缸金魚，很美。
當晚新郎哥宣佈：「有興趣攞條金魚返屋企養既...有請....」
亦聽到有份幫手0既兄弟講：「幫手食多啲夾糖，如果唔係，今晚仲要搬返走架~~」

創意...實行...咳~~

不過真係好實用，包糖..我仲食緊~~