Handbell-Choir 聖誔獻出真的愛

音姐姐既新任務，製作一份 HandBell 譜。

估唔到近期 Wii Music 內玩既 mini game 竟可大派用場。
這個整譜既過程好特別，好有趣，我幾enjoy!哈!!

由於太吸引，我花了短短2小時就完成，包括錄起demo，歌名係"聖誔獻出真的愛"。
大家可以按以下連結聽下。

聖誔14-Dec-2008主日崇拜會連同幾位小朋友獻奏Handbell-Choir，得閒就來捧場!!將聖誔既福音宣揚，感受平安既氣氛。

寶島手信

朋友送既手信，我珍而重地，現在才捨得食...

我由中四第一啖鳯梨酥，就開始愛上。

而陶笛，則由青海之旅便開始迷上了。

兩份也是我喜愛的禮物，真係準!!

Latee & 栗子燜雞翼

踏入十一月份，秋末，氣溫下降，窗邊落著濛濛細雨。
今日到上環見工，僱主是外國人，他與朋友合夥搞I.T.網上廣告，來自英國，旅居上環。
一方面要習慣以往海外留學所累績的外國風度，與西人的英式對話。
另一邊廂，要保持一貫英式文化，談談天氣，基本禮儀，客套問安，
欖球賽事至英超聯賽，懂幾多書包，拋幾多。
他也讚我英文了得。

跟他到咖啡室面談，收銀小姐問想喝什麼?
我點了杯Latee，既得體，又令人覺得有品味。

會面後，僱主離去，我望着咖啡杯，悠閑坐了整個下午，睇了數頁報紙。
撮要一則副刊，

被上環的電車路、海品店、石板街迷死了。
近年上環漸漸成為設計人與青年浪族的聚居地，
造就一個小小的創意階層氣氛。

我又有感而發，
人到中年，站在人生的彎角，回首前半生只問耕耘，
不免有「為誰辛苦為誰忙」之嘆。
見前輩都是成績，始悟一向忘了一句:
「採得百花成蜜後」- 百花成蜜，我不就是為此而忙嗎?

難得這下午，扮下外國人，寫下散文，免費扮下有錢人。
一杯Latee實在唔夠喉，還想點杯凍咖啡Frappuccino
但又實在太貴，於是離開咖啡室，取而代之，前往牡丹樓點奶昔，
差點衝口而出點Frappuccino，M記幾時有Frappuccino賣?

與西人對話，總會莫名地受其不拘小節，生活節奏緩慢，及西洋風韻而感染，
還是回家將雪藏雞翼解凍，煮返馬騮鐘意食既栗子燜雞翼，

Latee & 栗子燜雞翼
扮完有錢人，做返住家男。

11月份福音樂園敬拜

貴人想用返我在教計內既故事"摘蕉傳統"，以下是我e-mail 回覆貴人既對話。
想睇返"摘蕉傳統"既powerpoint 可參閱本Blog 2008年7月2日

Dear 貴人,

福音樂園既敬拜好感動呀，詩歌"來稱讚祂"，你講到羔羊被殺時，配受頌讚，想到主耶穌為我們犧牲，我邊彈邊眼濕濕，也促使我加把勁地藉琴敬拜

往後也頭昏腦脹，用左"來稱讚祂"來入"I Love You my Jesus My Lord"既intro
唱歌既歌仔同歌仔夫人 O 咀望我 也懵然不知，連錯兩次....哈哈

附上"摘蕉傳統"既powerpoint, 及故事於excel 檔案內

幾時家庭崇拜會用這個故事?我想來捧場..哈哈

Regard,
Ka Co

我透過這座琴敬拜

敬拜中，貴人公開罵兩個小孩，
"你地係咪唔感恩呀!!..."
"唔感恩呀!!"
(那日主題係"Thanks giving 感恩")
之後，成行與鄰近既小孩...全部地震... r哂底..

貴人真係勁，敬拜內公開罵人，做咁耐司琴，我還是第1次見，事後佢同我講，其實佢當時好驚，驚小孩既父母唔鐘意。
我也隨即安慰，可能D家長會讚"罵得好，幫佢地教子女，唔專心丫啦!唔感恩丫啦!

呢個係乖既小孩，唔係被罵果位

街角隨想

街角見兩少年hea 下 hea 下...
腦海即時覺得，現今青年，一代不如一代...
又再諗下，可能上一代睇我地都係一樣，
只不過當佢地覺得我地hea時，我地聽唔入耳。

所以，環境及身邊既人可能都改變不大，
改變既，可能只有自己。

買菜舉重運動

左手攞8kg御品牌三色米，右手拿8罐裝可樂。
尚有一袋二袋麵包、提子、唐生菜、豆腐蒸鯪魚肉、燜雞翼既八角等不計其數。
返到屋企門口，無手時諗過用額頭撞門鈴而入。

回家全程有如舉重千斤，肩頭就來"勒"較。
3日一小次 、7日一大次既買"食送"生活。

唔怪得我好似矮左....

以琳書房

基督教既工作環境跟外面好唔同
連interview, 開始與結束都有一齊祈禱... "O咀"
面試談話內容係...分享信主經過，生命見証，多過實際經驗
每日早上由店內職員輪流帶領敬拜靈修
每星期四全公司職員連同分店一同聚會聽道
工作職責係...對住影音產品...日日聽新既詩歌...

這樣的工作環境....真係難得
而我.....得左....請左我...

但係..我又推左...
原因.....
我好享往這份工作既性質，可以將信仰同工作連在一起
但係.....
人工實在唔夠我買樓養妻活兒....

唉~~~生活...淡淡似是湖水...
生活~~~~迫人

生活~~~~